شێرکۆ حەبیب، بەرپرسی مەکتەبی پارتی دیموکراتی کوردستان لە قاهیرە، دووپاتی کردەوە کە هەڵوێستی سەرکردەکانی کوردستان، پێش هەموویان، سەرۆک مەسعوود بارزانی، سەبارەت بە پێکهێنانی حکومەتی داهاتووی عێراق، ڕوون و ئاشکرایە، هەروەها پابەندبوونی بە بنەماکانی شەراکەت و هاوسەنگی و تەوافوقی بابەتێکی روونە، ئاماژەی بەوەشدا کە کاتی وەرزی حەج ”پێدەچێت” ببێتە ئەگەری هۆکار بۆ دواخستنی دەنگدانەکانی پەرلەمانی عێراق لەسەر حکومەتی نوێ.

شێرکۆ حەبیب، بەرپرسی مەکتەبی پارتی دیموکراتی کوردستان لە قاهیرە ڕایگەیاند، هەرێمی کوردستان پێشوازی لە بەڕێز عەلی فالح ئەلزەیدی، کاندیدی پێکهێنانی حکومەتی عێراقی لە چوارچێوەی هەماهەنگیدا کرد، هەروەها لە لایەن سەرۆک مەسعوود بارزانی و سەرۆکی هەرێم و حکومەت لە هەولێر پێشوازی لێکرا.

حەبیب ئەوەشی خستەڕوو، لە لێدوانێکی رۆژنامەوانی، لە کۆبوونەوەکاندا لەگەڵ ئەلزیدی باس لە چۆنیەتی پێکهێنانی حکومەت کراوە، هەروەها هەرێم لەدوای کاندیدکردنییەوە پێشوازی لێکردووە، ئەگەری ئەوە هەیە حکومەتەکەی لەماوەی دیاریکراوی دەستووردا پێکبهێنرێت، چونکە ئەو هەلومەرجەی کە ناوچەی ڕۆژهەڵاتی ناوەڕاست پێیدا تێدەپەڕێت فشار دەخاتە سەر وڵات و گەلەکانی، هەروەها داوای خێراکردنی سەقامگیری لە عێراق دەکات، ڕوونیشیکردەوە کە سەردانەکەی زۆرینەی پەرلەمانتارانی عێراق بۆ مەراسیمی حەج ڕەنگە ڕێگری لە پرۆسەی دەنگدان لەسەر حکومەت بکەن لە کاتی خۆیدا، و ئاماژەکانی سەرۆک مەسعوود بارزانی ڕوونە بۆ شەراکەتی و هاوسەنگی و کۆدەنگی عێراقی بەدەست بهێنن.

حەبیب ئاماژەی بەوەدا، ئەو پۆستانەی پارتی دیموکراتی کوردستان لە حکومەتی داهاتووی ئەلزەیدیدا وەریدەگرێت، لەکاتی خۆیدا ڕادەگەیەنرێت، بەڵام بەدڵنیای  کە وەزیرێکی سەروەری و یەکێکی دیکەش لە وەزارەتێکی خزمەتگوزاریدا دەبێت، لەگەڵ دانانی یەکێک لە جێگرەکانی سەرۆک وەزیران لە پارتی دیموکراتی، جگە لە پۆستەکانی دیکەی وەک بریکاری وەزارەت و پۆستی دیکە.

ئەو بەرپرسەی پارتی دیموکراتی کوردستان ئاماژەی بەوەدا، سەرکەوتنی ئەلزەیدی لە ئەرکەکەیدا پەیوەستە بە پابەندبوونی بە دەستوور و گەیشتن بە شەراکەت و تەوافوق و هاوسەنگی و کارکردنی جددی بەبێ هیچ کاریگەرییەک، ئەمەش بە واتای چارەسەرکردنی ناکۆکییەکانی نێوان بەغدا و هەولێر بە ڕادەیەک کە سەرجەم لایەنەکان ڕازی بکات، بۆیە فایلی ئەمنی و مووچە و کاراکردنی ماددەی 140ی دەستوور لە ئەنجامە گرنگەکانی پابەندبوون بە دەستوور و یاسا لە لایەن کەسایتیەک دەبێت کە بەم دواییە هاتۆتە سەر گۆڕەپانی سیاسی عێراق.

حەبیب ئاماژەی بەوەدا کە ئەمریکا و ئێران و چەند وڵاتێکی دیکە پێشوازییان لە ڕاسپاردنی ئەلزەیدی کرد بۆ پێکهێنانی حکومەتی عێراق، وئەم  پێشوازییە پرۆتۆکۆلییە، ئاماژەی بەوەشکرد، "سەرۆک وەزیرانی داهاتووی عێراق دەبێت ڕووبەڕووی هەر لایەنێک ببێتەوە کە هێرشکردنە سەر کوردستان  و دەبێت دادگاییکردن بکرێن، هەروەها کاربکات بۆ پاڵپشتیکردنی سەقامگیری لە هەموو شار و ناوچەکانی عێراق".

سەبارەت بە پێشهاتەکانی ڕۆژهەڵاتی ناوەڕاست و دیدگای سەرۆک بارزانی بۆ چارەسەرکردن و کۆتاییهێنان بە ململانێکان، شێرکۆ حەبیب ڕایگەیاند، سەرۆک بارزانی سەرکردەی کورد کەسێکی ئاشتیخوازە، وەک ئەوەی هەم دۆست و هەم دوژمن دانیان پێدا ناوە. هەمیشە لەگەڵ ڕۆژهەڵاتی ناوەڕاستە دوور لە توندوتیژی و شەڕ و هەمیشە کار بۆ ئەوە دەکات گەلانی ناوچەکە بە سەلامەتی و ئارامی بژین و برایەتی لە نێوانیاندا زاڵ بێت.

حەبیب ئاماژەی بۆ ئەوە کرد کە دامەزراندنی پەیوەندی هاوسەنگی هەرێمی کوردستان لەگەڵ دەوروبەری هەرێمی و نێودەوڵەتی و بێلایەنی بەردەوامی سەربەخۆیی خۆی پاراستووە، سەرەڕای بۆردومانکردنی خاکەکەی و شەهیدبوونی ژمارەیەک پێشمەرگە و هاوڵاتی مەدەنی بەبێ ئەوەی لایەنێک بن لە شەڕی نێوان ئەمریکا و ئێران. ئاماژەی بەوەشکرد، دواکەوتنی پێکهێنانی حکومەتی نوێ بۆ هەرێمی کوردستان لە هەلومەرجێکی ناڕووندا هاوکار بووە بەهۆی ڕێزنەگرتنی هەندێ لە لایەنە سیاسییەکان بە ئەنجامی هەڵبژاردنەکان، کە پارتی دیموکراتی کوردستان پێشەنگی ئەو هەڵبژاردنەیە.

ڕوونیشی کردەوە، "سەرەڕای جیاوازیی دیدگاکان، پارتی دیموکرات لە ڕوانگەی یاساییەوە بۆ بابەتەکان دەڕوانێت، ڕێزگرتن لە ئیرادەی گەل، و دڵنیای دەدات لەوەی لایەنە غەیرە کوردییەکان دەستوەردان لە کاروباری ناوخۆی کورد نەکەن. پێویستە هەموو لایەک یەکدەنگ بن لە داواکردنی مافە دەستوورییەکانی کورد لە بەغداوە، و بنیاتنانی پەیوەندی لەسەر بنەمای بەرژەوەندی هاوبەش بۆ زامنکردنی مافە نەتەوەییە ڕەواکانی کوردستان، و نەک بۆ ئەوەی". سازشکردن لەسەر مافە نیشتمانی و دەستوورییەکان”.