ئەستێرەی هۆڵیوود (چاك نۆریس) لە تەمەنی 86 ساڵیدا كۆچی دواییكرد.

چاك نۆریس یەكێك بوو لە پاڵەوانانی هونەری جەنگی و هەمیشە بە جلی وەرزشی و جەستەیەكی ڕێك و بەهێزەوە دەردەكەوت,وە شارەزایی لە چەند وەرزشێك هەبوو وەك كاراتێ و تایكواندۆ و تانگ سوودو كە ئەمەش وەرزشێكی كۆرییە و تێكەڵە لە وەرزشی كاراتێ و كۆنگ فۆ,ئەم كەسایەتییە توانی وەرزشەكەی و هونەری بەرگری جەنگی بهێنێتە نێو شاشە و لە ژمارەیەك فیلمی ئاكشن بەشدار بێت و سەركەوتنێكی گەورەی تۆمار بكات.

سەرەتای دەركەوتنی چاك نۆریس دەگەڕێتەوە بۆ ساڵی 1968دوای بەشداریكردنی لە فیلمێكی سینەمایی بەناونیشانی(the wrecking crew),بەڵام ناسینی ئەم كەسایەتییە وەكو ئەكتەرێكی سینەمایی و بەناوبانگ دەگەڕێتەوە بۆ ساڵی 1972 كاتێك لە فیلمی(the way of the dragon)بەشداربوو و لەم كارە سینەماییەدا شانبەشانی ئەستێرەی كۆچكردووی جیهانی(بروس لی)دەركەوت و هەردووكیان وەكو دوو پاڵەوانی وەرزشی ڕووبەڕووی یەكبوونەوە,كە ئەم فیلمە زیاتر دەرفەتی بۆ چاك نۆریس ڕەخساند تاوەكو بە یەكجاری بێتە نێو جیهانی فیلم و سینەما.

هەروەها فیلمی(missing in action)یەك لە كارە سینەماییەكانی ئەم هونەرمەندەیە كە ساڵی 1984بەرهەمهات,وە فیلمی (the delta force) كە ساڵی 1986بەرهەمهات و سەركەوتنێكی گەورەی تۆماركرد,هەروەها لە ساڵی 2012 لە بەشی دووەمی فیلمی(the expendables)بەشداری كرد,كە سەرجەم ئەكتەرەكانی نێو ئەم فیلمە لە پاڵەوانانی فیلمە ئاكشنەكانی هۆڵیوود پێكدێن و (سلفسلتەر ستالۆن) سیناریۆكەی ئامادەكردووە.

گوڵان-ئاسۆ كاكەیی