هونەرمەند (گرفتار كاكەیی)پێشانگەیەكی تایبەتی كردەوە
ئێوارەی ئەمڕۆ سێشەممە ڕێكەوتی 21/7/2026 لە هۆڵی مۆزەخانەی سلێمانی,هونەرمەندی شێوەكار و كاركاتێرست (گرفتار كاكەیی)پێشانگەیەكی تایبەتی خۆی كردەوە,كە بڕیارە بۆ ماوەی سێ ڕۆژ كراوە بێت.
پێشانگەكە لەلایەن ناوەندی حەوت ڕەنگە بە هەماهەنگی لەگەڵ بەڕێوەبەرایەتی هونەری شێوەكاری سلێمانی كرایەوە,لەم پێشانگەیەدا كەتەلۆكێكی تایبەت بە كارە هونەرییەكانی گرفتار كاكەیی كە لە لایەن هونەرمەند(بەختیار سەعید)ەوە درووست كراوە بەخشرایە میوانان و ئامادەبووانی ێشانگەكە.
بڕیارە ئەم پێشانگەیە بۆ ماوەی سێ ڕۆژ بەردەوام بێت و ڕۆژانە لە دووكاتی جیادا كراوە دەبێت,كاتژمێر 10ی بەیانی تاوەكو 1ی نیوەڕۆ,وە كاتژمێر 4تاوەكو 7ی ئێوارە,بە ڕووی هونەردۆستان و سەردانیكەرانیدا كراوە دەبێت.
گوڵان-ئاسۆ كاكەیی
