گلیسریدە سیانییەكان Triglycerides كە بە (چەوری ژێر پێست ناسراوە) چونكە لە ناو چەورە خانەكانی پێستدا خەزن دەكرێت، هەروەها بە ڕێژەیەكی دیاركراو لەناو خوێندا هەیە. ئاستی بەرزی گلیسریدە سیانییەكان لە خوێندا هاندەرە بۆ ڕەقبوونی خوێنبەرەكان كە ئەگەری نەخۆشیی دڵ و جەڵتەی مێشك زیاد دەكات، هەروەها هاندەرە بۆ هەوكردنی تیژی گلاندی پەنكریاس. هەنگاوەكانی دابەزاندنی ئاستی گلیسریدە سیانییەكان: كەمكردنەوە یان دووركەوتنەوە لە خواردنی شەكر و كاربۆهیدراتە سافكراوەكان (دانەوێڵە سافكراوەكان، ئاردی سپی یان سافكراو، برنجی سپی، سەوزە نیشاستەییەكان وەكو پەتاتەی سپی) و جێگرتنەوەیان بە خواردنی كاربۆهیدراتی ئاڵۆز و ڕیشاڵی خۆراكی وەكو پاقلەمەنییەكان، شوفان، سێو، هەرمێ، سەوزە گەڵا تاریكەكان، پەتاتەی شیرین، دانەوێڵەی تەواو، برنجی قاوەیی، هاوكات لەگەڵ دووركەوتنەوە لە خواردنەوە ئەلكهولییەكان، ئەنجامدانی مەشقی وەزرشی مامناوەندی كە هەفتانە لە 150 خولەك كەمتر نەبێت، كۆنتڕۆڵكردنی پەستانی بەرزی خوێن و نەخۆشیی شەكرە لە تووشبوواندا، گرنگیدان بە خەو، كۆنتڕۆڵكردنی كێشی لەش، هەروەها دووركەوتنەوە لە سترێس.