د سەرەدانەکا گرنگ دا سەرۆک بارزانی دگەل شاندەکا هەرێمێ سەرەدانا پاریس کریە، و مەرەم ژ ڤێ سەرەدانێ ژی ئەوە کو هێز و ناڤێ پێشمەرگەهێن کوردستانێ زێدەتر نیشا وەلاتێن زڵهێز بدەت کو ئەو هێز بوویە داعش شکاندی و هەر بەرهەمێ وان سەرڵهەدان و شۆڕەشانە. ئەڤرۆکە ژی کورد و کوردستانی، هەر سەر وێ ڕێبازا پیرۆزا بارزانی، بەردەوامن، د خەبات و خزمەتا گەل و وەلاتێ خۆ دکەن، ڕێبازا پیرۆزا بارزانی، نیشانا خەلکی دایە کێیە خزمەتا ئاخ و نیشتیمانی دکەت و کریە، کو لەوما ئەڤرۆکە بوویە هیزەکا گرنگ نەک هەرێمێ تنێ بەلکو ل عیراق و نەخاسمەژی ل ڕۆژهەڵاتا ناڤی ژی بوویە ئێک ژ وێ هێزا کاریگەر و جهێ متمانا خەلک و وەلاتێن زڵهێز ژی.

سەرۆک بارزانی، هێمایێ قارەمانییا پێشمەرگەهی پێشکێشی سەرۆکا باژێرڤانیا پاریس کر و دیسان ئێک ژ بەرهەمێن گرنگ یێن نافخۆیی ژی کریە دیاری ئەو ژی هنگڤینی چیایێن کوردستانێ بوویە و دیسا بەحسا گرنگییا وێ دکەت و ئەڤە ژی پێنگاڤەک گرنگە ژ ڕویێ ئاڤەدانیی و ئابوورا کوردستانێ، سەرەدانا، سەرۆک بارزانی، بۆ فەرەنسا و ڕێزگرتنە ژ هێزا پێشمەرگەیێ کوردستانێ و نیکرنەڤەیا پەیوەندیێن کوردا دگەل گەلێ فەرەنسا و وێ جۆرێ پەیوەندییا چەندەها ساڵانە کو دناڤبەرا هەردوو ئالیان دا هەیی و دوپات دکەتەڤە ڤێ پەیوەندیێ. ئەوا سەرۆک دکەت، ئەڤرۆکە ئێکە ژ وێ نیشان و بەڵگەیێ هندێ کو هەردەم سەرۆک بارزانی، خۆ دیتیە ژ خەمخۆرێ گەل و وەلاتێ خو نەخاسمە چینا پێشمەرگەیێ کوردستانێ و هەردەم خو دبینیت وەک پێشمەرگەهەک، نەک وەک سەرۆک و سەرکردە، بەلێ ئەڤە خۆ دبیتە شهاد بۆ هندێ کو سەرۆک بارزانی، نوکە ژلایێ کورد و کوردستانیان ڤە بوویە سەرکردە و ڕا بەرێ گەلێ کورد.

ئەڤ سەرەردانە ژی یا سەرۆک بارزانی، بۆ پاریس، مەرەم ژ وێ چەندێ ئەوە کو ڕێورەسمێن ڤەکرنا جادەکێ بوویە بناڤێ پێشمەرگەیێ کوردستانێ و دیسان چەندەها تابلویێن سەردەمێ بەرێ یێ پێشمەرگەیان نیشان دانە، هێزا پێشمەرگەیی ئەو بوویە کو جهێ هەمی جیهانێ ڕویی ب ڕویێ تیرۆرستێن داعش بوویە و شەڕ کریە و دیسان سەرکەفتن ژی ب دەست خۆڤەئینایە. هەردەم ژی سەرەدانێن بارزانیان بۆ دەرڤەیێ وەلاتی وەک وەلاتێن “ئەمریکا و بریتانیا و فەرەنسا…..هتد.، ئەڤە بوویە دەرگەهەک بۆ گەهاندنا پەیام و پێکڤە ژیان و ئارامییا کەردستانێ، و هەردەم دخازن وەلاتین دیتر ژی کۆنسولێن خو یان کۆمپانیێن وان بێنە کوردستانێ و کار بکەن بۆ زیدەتر ڤەرێژا ئابووری و دەلیڤێن کاری زێدەتر بن ل کوردستانێ، بۆ هندێ خۆشگۆزەریانیا کوردستانێ بەرەڤ ئاقارێ ئاڤەدانییا زێدەتر بچیت و هەردەم کوردستان یا ئاڤەدان بیت.

سەرۆک بارزانی، ل هەمی قویناغێن ژیانی و خەبات کریە و ژ پێناڤێ گەهاندنا دەنگێ گەلێ کورد و کوردستانیا بۆ جیهانێ و دەرڤە، ئەڤرۆکە ژی فەرەنسا وێ ئاڤەدانییێ و ئارامی و خۆشگۆزەرانیا کوردستانێ ب بلند دبینن و بوویە جهێ دەستخۆشیا وان ژ وێ پێکڤە ژیانێ ل کوردستانێ کو هەردەم ئەڤە بوویە ئێک ژ هێمایێن گەلێ کورد. ئەڤ سەرەدانە و یێن دیتر ژی بووینە نیشان کو پێکڤە ژیان تاکە تاجە ژلایێ خەلکێ کوردستانێ و دیسان ژی هەردەم خاستییە کو ئەو زەحمەت و ماندیبوونا پێشمەرگە و جودا ژ وان ژی کو ئەو کەسێن زەحمەت بڕی ل کوردستانێ ژ هەر ڕویەکێ ڤە بیت تنێ مەرەما وان خزمەتکرن بیت و دڤییایە بەردەوام بن ل سەر وێ ڕێبازا پیرۆزا گەلێ کورد یا مەلامستەفا بارزانی و مالا بارزان.

ئەگەر دوویر ژ ڤێ پرسا سەرۆک بارزانی، بۆ فەرەنسا ئاماژە بدەینە کوردستانێ، د بینن کو ژبلی ناکوکیین ناڤخۆیا هەرێمێ و وان هێڕشێن ل سەر هەرێمێ کو نەبوونا مووچەیێ فەرمانبەران د دەمێ خو دا و دگەل چەندین ئاستەنگ و گرتنا دەرگەهێن دیتر ژلایێ حکومەتا ناڤی ئانکو ژلایێ بەغداڤە بەردەوام ئەو ئاستەنگ و نەخۆشیان بۆ کوردان چێکرینە و هەردەم ژی بووینە ستری، بەلێ خۆش بەختانە ئەڤرۆکە ژ ژێر سایەیا حکومەتا مە و کابینا مسرور بارزانی، ب چاڤێ خو دهێتە دیتن کو عەر ەب بخو چەوا پەسنا کار و پرۆژێن وی دکەن و کو گرنگییەکا زۆر دایە ژ لایێ هەمی کەرتانڤە وەک.

🔴چاندنێ، کو ئەڤرۆکە بەرهەمێ جووتیاران دگەهیتە وەلاتێن دەرڤە و بوویە جهێ دەستخۆشیی و ڕازیبوونا وان و دیسان ژی کو بهایێ وان باشتر لێهاتیە دگەل ساڵێن بەرێ.

🔴ڕێک و بان، ئەگەر تیشک بێخینە سەر ڕێ و ڕیباران، دبینن پتریا باژێر و باژێرکێن کوردستانێ ڕێیین مودرێرن و جووتساید هاتینە دروستکرن و دگەل ئاڤ و ئاڤڕێژان و جسرێن زۆر باش و مۆدرێن.

🔴ئاڤ و کارەبا، تنێ هەولێر بکەینە نموونە، دبین کو خەلکێ وێ نە یێ بێ ئاڤ بوویە، بەلکو هەر نەبوویە و بێ هێڤیبوون، بەلێ نوکە پڕۆژەک زۆر مەزن و مودرێن بۆ هاتییە دابینکرن و پتریا ٢٠ ساڵین دیتر ئاریشا ئاڤێ نامنیت و دگەل چێکرنا چەندەها بەنداڤ و کارێن دیتر یێن ئاڤ و ئاڤە ڕۆیێ.

🔴دەربارێ کارەبێ، نوکە پتریا باژێر و دەڤەرێن عیراقێ د کێمیا بێ کارەبێ و خرابییا وێ دنالێن، بەلێ سپاس بۆ خودێ کوردستان پتریا وێ بوویە خودانێ کارەبا ٢٤ دەمژێری.

✅ئەڤا هەنێ هندەک نموونە کێمبوونە سەر کابینە و کار و خەباتا هەرێمێ، نەکو زێدەتر خزمەت کریە بۆ گەل و وەلاتێ کوردستانێ و ڕۆژ ب ڕۆژ کوردستان بەرەڤ ئاڤەدانیێن زێدەتر د چیت.

سەرنڤیسەرێ تۆڕا میدیایی زێ بادینان…