بەمزووانە..فیستیڤاڵی فیلمی كوردیی مۆبایل بەڕێوەدەچێت

ئەندامانی لیژنەی فیستیڤال 25 فیلمیان دەستنیشان كردووە بۆ نمایش و پێشبڕكێی فیستیڤاڵ كە سەرجەم كارەكان فیلمی كوردین و بە مۆبایل تۆمار كراون,هەروەها ماوەی فیلمەكان لە یەك خولەكەوە تاوەكو 15 خولەكە بە تایتڵەوە وە زۆربەی كارەكان كورتە فیلمن و بەشێكی دیكەیان بەڵگە فیلمن,هەروەها بۆ براوەی فیستیڤاڵی فیلمی كوردیی مۆبایل بڕێك پارە وەكو خەڵات دیاریكراوە كە ئەمەش بۆ سەركەوتنی كارەكەو هاندانی گەنجانە تاوەكو لەڕێی مۆبایلەوە ڕووبكەنە بەرهەمهێنانی فیلم و كاری سینەمایی.

لە كۆی 25 كاری سینەمایی كە لەلایەن فیستیڤاڵەوە وەرگیراوە 3 كاری بەشداربووان لە بەڵگە فیلم پێكدێت.

-بەڵگە فیلمی(بە كاتی ژیان)لە دەرهێنانی(هاواری ڕەحیمی)

-بەڵگە فیلمی(وردەواڵە)لە دەرهێنانی(یوسف مەولوودی)

-بەڵگە فیلمی(هەنگاوە نەزانراوەكان)لە دەرهێنانی(حەمە تاریق)

هەروەها ئەو فیلمانەی تر وا لە فیستیڤاڵی فیلمی كوردی مۆبایل بەشدارن پێكدێن لە..

-فیلمی (تەنیا لە كۆتایدا تێدەگەین) لە دەرهێنانی(ژیوەر عەبدولقادر حەمە)

-فیلمی (مانلی) نووسین و دەرهێنانی(ئەدیب فەرەیدوون)

-فیلمی(the hungry wolf)لە نووسین و دەرهێنانی(لەنیا حەمە ڕەئوف)

-فیلمی(قولانجێك)لە سیناریۆ و دەرهێنانی(سەبا ئەحمەد)

-فیلمی(گۆڕ) نووسین و دەرهێنانی(بەرهەم جەزا ئەحمەد)

-فیلمی(سیگناڵ نییە)لە دەرهێنانی(هێڤار عومەر)

-فیلمی(تینوێتی لە بێدەنگیدا) دەرهێنانی(ئەژێ عەبدوڵا)

-فیلمی(ڕێنێسانسی بیر و هۆش)لە نووسین و دەرهێنانی(ئایار حەسەن)

-فیلمی (ئەودیوی پەنجەرەكە) كە (رۆیا حەمەغەریب) دەرهێنانی ئەنجامداوە

-فیلمی(داهاتوو)لە دەرهێنانی(شنیار محەمەد)

-فیلمی(دەنگەكانی مێشكم) دەرهێنانی(محەمەد بەكر عوسمان)

-فیلمی(خوا ئەزانێت!)لە نووسین و دەرهێنانی(شارۆ شۆڕش)

-فیلمی(باوەشی ماسی) نووسین و دەرهێنانی(نڤار یاسین)

-فیلمی(شینی كاڵ) كە (گەشبین سۆران) كاری دەرهێنانی ئەنجامداوە

-فیلمی(تامار) دەرهێنانی(لانە پێشڕەو)

-فیلمی(فەرشی سوور)لە سیناریۆ و دەرهێنانی(عومەر عەبدولكەریم)

-فیلمی(Time Note) نووسین و دەرهێنانی(تێشوو نامیق)

-فیلمی(His Cry)لە دەرهێنانی(هاوكار جەمال)

-فیلمی(دواهەمین هەنگاو) دەرهێنانی(سنوور شڤان)

-فیلمی(فیلم)كە (هونەر كاوە)كاری دەرهێنانی ئەنجامداوە

-فیلمی(فیلمێكی درێژی كورت)لە سیناریۆ و دەرهێنانی(محەمەد تاهیر)

-فیلمی(درك)لە دەرهێنانی(ڕەوەند شوان ڕەحیم)

ئامانج لە سازدانی فیستیڤاڵی كوردی مۆبایل ڕەخساندنی دەرفەتێكە بۆ ئەنجامدانی كاری سینەمایی بە كامێرای مۆبایلەكان,چونكە كاری فیلمسازی پێویستی بە ئامێری پێشكەوتوو و هەندێ ئامرازی تایبەت بەم بوارە هەیە كە ئەمەش پێویستی بە سپۆنسەر یاخود پاڵپشتی دارایی دەبێت,بەو پێیەی كە لەم ڕۆژگارەدا مۆبایل زۆر بەكاردێت بۆ تۆماركردنی ڤیدیۆ وە بوونی بیرۆكە و سیناریۆی نوێ ئەوا ئەم فیستیڤاڵە كارئاسانی دەكات تاوەكو ئارەزوومەندانی بواری فیلم بتوانن لە ڕێی مۆبایلەكەیانەوە فیلم بەرهەم بهێنن,هاوكات ئەم فێستیڤاڵە هانی گەنجان دەدات تاوەكو مۆبایلەكانیان بەشێوەیەكی درووست بە كاربهێنن و كاری سەركەوتووی پێ ئەنجام بدەن.

گوڵان-ئاسۆ كاكەیی