بەهۆی بەرزکردنەوەی ئاڵای هاوڕەگەزبازان، پەرلەمانتارێک داوای داخستنی چەند باڵوێزخانەیەکی وڵاتان لە بەغدا، دەکات.

ئەمڕۆ یەکشەممە 17-5-2020، حەسەن سالم، پەرلەمانتاری کوتلەی سادیقون لە بەیاننامەیەکدا رایگەیاندووە، بەرزکردنەوەی ئاڵای هاوڕەگەزبازان کارێکی نائەخلاقییە و سووکایەتییە بە گەلانی مسوڵمان و دابونەریتی عێراقی.

حەسەن سالم پێیوایە ئەو باڵوێزخانانە بە بەرزکردنەوەی ئاڵای هاوڕەگەزبازان لە رێکخراوی تیرۆریستی داعش مەترسیدارترن، چونکە دابونەریت و ئەخلاقی کۆمەڵگە تێکدەدەن.

ئەو پەرلەمانتارە بە پێویستی دەزانێ حکوومەتی عێراق هەڵوێستێکی توندی هەبێ و ئەو باڵوێزخانانە دابخات.

ئەمڕۆ باڵوێزخانەکانی کەنەدا، بەریتانیا و یەکێتیی ئەوروپا لە عێراق بەبۆنەی رۆژی جیهانیی بەرەنگاربوونەوەی دژایەتیی هاوڕەگەزبازان، ئاڵای هاوڕەگەزبازانیان بەرز کردەوە.









باسنيوز