ئەندامێکی ئەنجوومەنی نوێنەرانی عێراق لە لیستی هاوپەیمانی کوردستانی ڕایدەگەیەنێت کە لیستەکەیان پێی وایە بەهۆی ئەوەی بەڕێککەوتنی سیاسی (ساڵح موتڵەگ) بووە بەجێگری سەرۆکوەزیران هەر بە ڕێککەوتنی سیاسیش لیستی عێراقییە کەسێکی دیکە لەو پۆستەدا دابنێن.

ئەندامی ئەنجوومەنی نوێنەرانی عێراق(شلێر عەزیز) لە لێدوانێکی تایبەت بۆئاژانسی پەیامنێر گوتی: \"تائیستا بابەتی لێسەندنەوەی متمانە لە ساڵح موتڵەگ نەهاتۆتەناو پەرلەمانی عێراق، بەڵام ئێمە وەکو هاوپەیمانی کوردستانی پێمان وایە ئەوە بە ڕێککەوتنی سیاسی هاتووە و شتێکی ئاساییشە بە ڕێکەوتنی سیاسی لیستی عێراقیە یەکێکی دیکە لەجێگەی ئەو دابنێنن و ئێمە تاکو ئێستا ئاگادار نەکراوین کە ئایا متمانەی لێبسەندرێتەوە یاخو لێی نەسەندرێتەوە\"".

(شلێر عەزیز) گوتی:\""ئێمە ڕێککەوتنمان هەیە و چاوەڕێی ئەوە کۆنگرە نیشتیمانیە دەکەین کە سەرۆککۆماری عێراق بانگێشی هەموو لایەنە سیاسیەکانی کردوە بۆئەوەی کێشەیە چارەسەر بکرێت و بگەڕێتەوە ناو کارەکەی خۆی\"".


-(PNA)"