لەگەڵ سەرەتای ساڵی نوێی زایینی,هەواڵێكی دڵخۆشكەر لەلایەن گروپی موزیكی (BTS)ی كوریای باشوورەوە ڕاگەیەندرا و ئەڵبۆمێكی نوێی گۆرانی بڵاودەكەنەوە,دوای نزیكەی چوار ساڵ لە بڵاوكردنەوەی دوایین ئەڵبۆمی گۆرانییان بە شێوەی كۆمەڵ,لە ئێستادا گروپی بی تی ئێس بەشێوەی كۆمەڵ كار بۆ بڵاوكردنەوەی ئەڵبۆمێكی نوێی گۆرانی دەكەن كە تەواوی ئەندامانی گروپەكە تێیدا بەشدارن,ئەم هەنگاوە بە گەرمی پێشوازی لێ كرا و بووە هەواڵی گەرمی ڕۆژنامەو میدیا جیهانییەكان,بڕیارە ئەڵبۆمە گۆرانییەكە لە ڕێكەوتی 20/3/2026 بڵاوبكرێتەوە.

بە ماوەیەك پێش ڕاگەیاندنی ئەم ئەڵبۆمە نوێیە,تێكڕای ئەندامانی گروپەكە بە دەستنووسی خۆیان نامەیەكیان بۆ هەوادارەكان نارد و تێیدا ئاماژەیان بە ڕێكەوتی بڵاوكردنەوەی ئەڵبۆمە نوێیەكە كرد,هاوكات لە نامەكەدا دڵخۆشی خۆیان دەربڕی بۆ دووبارە یەكگرتنەوەی گروپەكە و درووستكردنی كاری هاوبەش لە داهاتوویەكی نزیكدا.