هەر کەسێ ل سەر ڕەفتار و کار و کردێن خۆ یێن نە ڕاست و درۆکرنێ بەردەوام بیت دێ دەرئەنجامین خراپ دیڤڕا خۆ ئینیت و دبیتە قوربانیێ وی کارێ شاش یێ بەردەوام ل سەر دچیت.
لێرە دا مە وەک کەسەک کریە نموونە و چ کەسەک ژی پێ مەرەم نینە و تنێ بۆ زیدەتر دیارکرن و نیشاندانا بابەتی وەک زاۆرکەک کریە نموونە: د هێتە گوتن کو ڕۆژەکێ "ئەردەلان" دگەل هندەک هەڤالێن خۆ چوویە سەر ڕووبارێ نزیک گوندێ خۆ بۆ مەرەما مەلەکرنێ و دەربازبوونا دەمەکێ خۆش، پشتی کو ئەردەلان، چوویە ناڤ ئاڤێ دا ژ وانا دوویرکەفت، ئێکسەر کرە هەوار، و من ڕزگار بکەن. من ڕزگار کەن... چ نەمایە دێ خەندقم.
ب لەز و لەڕزەڤە بۆ لایێ ڕووباری و ئاڤێ چوون و دەستی وی هەڤالێ خۆ گرتن و د ئاڤێدا دەرئینا و وی ژی ب دڵەکێ خۆش و دەڤ کەنیڤە گوتی من یاری و تڕانە ب هەوە دکرن و ئەڤ ڕەفتارە ژی بۆ هەڤالێن وی یا سەرسۆرمان بوون.
پشتییا چەند ڕۆژ و دەمان جارەکا دیتر قەستا هەمان جهــ و شوین کر، بۆ خۆشیین خۆ یێن ڕۆژێ و دەمەک سەبر و پێکڤە وەک هەڤالینا وان خۆشتر بیت، بەلێ د هـــــەمان دەمدا ئەردەلان ی خۆ ئێخستە ناڤ ئاڤێ و دەست مەلەڤانی و یاریێن خۆ کرە دناڤا ئاڤێدا و چەندەها جاران کرە هەوار و هەوار و گازی هوڤالێن خۆ کرەڤە و دەستێ خۆ بلند کر و د ئاڤێ دا دەرئینا و ئەز خەندقیم .. ئەز خەندقیم .. من ڕزگار بکەن.. هەر دگوتی من ڕزگار بکەن، بەلێ ڤێ جارێ کەس هەوارا وی نەچوو وان ژی ترسا هندێ هەبوو وەکی جارا دیتر تڕانە بن و گاڵتەیان بکەت.
بەلێ زەلامەکێ دانعەمر، دناڤا ڕەزێ خۆ دا بوو دڤییا بەڕەڤ ماڵ ڤە بچیت و ژ لایێ ڕووبارێ گوندی دەست ب چوونا خۆ کر بۆ ماڵ، دبینیت کو زاۆرکەک دناڤا ئاڤێدایە و دەستێ خۆ دەرئینایە و هەر یێ گازی دکەت من ڕزگار بکەن.. من ڕزگار بکەن.. ئەو ژی ئێکسەر چوو دەرئینا و هاریکاریا وی کر، بەلێ ب شەرمڤە گوتە: هەڤالێن خۆ داخازا لێبوڕینی ژ وە دکەم و ئەو شاشیا من بوو جارا دیتر من گاڵتە ب وەکرن و ئەو ژی بوویە وانەک فێربووم هەردەم ژی وێ چەندێ ژ بیرناکەم