ڕەحیم هەورامانی دووەمین كتێبی شیعریی خۆی بڵاوكردەوە
دوای بڵاوكردنەوەی كتێبی شیعریی (عەشقێكی بێ كۆتایی),نووسەر و شاعیر (ڕەحیم هەورامانی)دووەم كتێبی شیعریی خۆی بە ناونیشانی(ئاگرێكی بێ خۆڵەمێش)بڵاوكردەوە.
مەڵبەندی ڕۆشنبیری هەورامان بە هەماهەنگی لەگەڵ سەنتەری ڕۆشنبیری سەرا لە شاری سێمانی ئێوارە كۆڕێكی بۆ شاعیر ڕەحیم هەورامانی ڕێكخست و نوێترین بەرهەمی چاپكراوی ئەم هونەرمەندە بە ناونیشانی (ئاگرێكی بێ خۆڵەمێش) بڵاوكرایەوە.
لە كۆڕەكەدا كە ژمارەیەك لە نووسەر و ئەدیب و هونەرمەند ئامادەبوون,خاتوو (رووناك هەڵەبجەیی) كۆڕەكەی بەڕێوەبرد و نووسەر و شاعیر (فاتح بەختەوەر) خوێندنەوەی بۆ كتێبە شیعرییەكە كرد و دوای خوێندنەوەی چەند شیعرێكی نێو ئەم بەرهەمە چاپكراوە لە كۆتایی كۆڕەكەدا نووسەر رەحیم هەورامانی كتێبەكەی پێشكەش بە ئامادەبووانی كۆڕەكە كرد.
گوڵان-ئاسۆ كاكەیی
