_ جێبی مەلامستەفا بارزانـــی جێبی شورەش وبەرگری
_جێبی سەروک بارزانی جێبی خەبات و سەرهلدان
_ جێبی مەسرور بارزانی جێبی ئاوەدانی و پێشکەوتن

جێب بو سمبولی شورەش وخەبات و بەرخودان و هێزی ئاوەدانی داهاتوو ل هەرێما کوردستان

 

_جێبا مەلا مستەفا بارزانیێ نەمر،
ل سەر پشتێن ڤێ جێبێ، نەخشەیێن پاراستنا نشتیمانی دهاتنە کێشان و بڕیارێن چارەنڤساز دهاتنە دان. ل ناڤ تەپ و تۆزا چیایان، وێ جێبێ دەنگێ بەرگریێ و هیڤییا سەربەخۆییێ دناڤ خەلکی دا بەلاڤ دکر. ئه‌و بوو سمبولا ئیراده‌یا پۆلایین یا گەلەکێ بن دەست، کو ژبلی چیایان چ دۆستێن دی نەبوون.

_جێبا سەرۆک مەسعوود بارزانی، بوو هێمایێ خەباتا پێشمەرگایەتی و سەرهلدانێ. بوو شاهدا قوربانیدان و ئازایەتییا ڕۆلێن ڤی گەلی. ل دەما ئازادکرنا کوردستانێ، وێ جێبێ مزگینییا ئازادیێ و دامەزراندنا قەوارێ هەرێما کوردستانێ گەهاندە هەموو دەڤەران. ئه‌و بوو سمبولا بەردەوامییا خەباتێ و گەهشتنا ب ئارمانجێن نەتەوەیی.

_جێبا سەرۆک وەزیران مەسرور بارزانی، نیشانا قۆناغەکا نوو یا ئاڤەدانی و پێشکەفتنێ یە. ئەڤرۆ، بوویە هێمایێ بجهئینانا پڕۆژەیێن ستراتیژی و ئاڤاکرنا ژێرخانەکا ئابووری یا بهێز. جێبا سەردەمێ نوو، هیڤیێن گەنجان و پلانێن داهاتووی هەلگرتیە و بەرەڤ کوردستانەکا بهێزتر و گەشتر دچیت. ئه‌و بوو سمبولا کوردستانا نوو، کوردستانا ئاڤەدانی و تەکنۆلۆژیایێ.

ئەو چێرۆکا سێ نەوەیێن ڕێبەرە، کو هەرئێکێ ل قۆناغەکا دیروکێ دا ئەرکەکێ پیرۆز بجه ئینایە: ئێکێ تۆڤێ شۆڕەشێ چاند، یێ دووێ بەرهەمێ خەباتێ هەلگرت و یێ سێیێ ژی کوردستانێ بەرەڤ داهاتوویەکێ گەشتر دبەت. جێب، هێمایێ ڕێیەکا دژوارە، کو ژ چیایێن سەخت یێن بەرگریێ دەست پێ دکەت و دگەهیتە بانیا ئاڤەدانی و پێشکەفتنێ.

(*)
پارێزەر و راوێژکاری یاسایی