بۆ خۆپاراستن لە ئەگەری ڕوودانی نۆرەی دڵ بۆ یەكەم جار، یان ئەگەری دووبارەبوونەوەی، ئەگەر جارێك لە ڕابردوودا ڕووی دابێت، پێویست بە گۆڕینی ستایلی ژیان دەكات، بۆنموونە خۆراك و چالاكیی فیزیكی لەگەڵ جگەرە و ئەلكهول ..تاد.

هەنگاوەكانی خۆپاراستن لە نۆرەی دڵ:

• دووركەوتنەوە لە هۆكارە هاندەرەكانی وەكو جگەرەكێشان، كۆنترۆڵكردنی شەكرە لە كەسانی تووشبوو بە نەخۆشیی شەكرە، كۆنترۆڵكردنی كۆلیستیرۆڵی بەرز، كۆنترۆڵكردنی پەستانی بەرزی خوێن.

• هەڵبژاردنی خۆراكی تەندروست وەكو بڕی زیادی سەوزە و میوە، پاقلەی سۆیا، پاقلەمەنییەكان، دانەویڵەی تەواو، ماسی، چەورییە ناتێرەكان، لەگەڵ دووركەوتنەوە لە چەورییە تێر و چەورییە نێوەندەییەكان Tran-fats.

• ئەنجامدانی مەشقی وەرزشی كە هاندەرە بۆ بەهێزكردنی ماسوولكەی دڵ و دابەزاندنی ئاستی كۆلیستیرۆڵ و بەرزكردنەوی ئاستی وزەی لەش و جێگیركردنی مەزاج.

• پەیڕەوكردنی هەنگاوەكانی خۆخاوكردنەوە Relaxation و سووككردنی سترێس.