سەرۆک وەزیران هەرێمی کوردستان لە پەیامێکدا سەرەخۆشی لە بنەماڵەی شێخ سدیق عەبدولعەزیز دەکات.

ئەمڕۆ سێشەممە ١٠ی ١٢ی ٢٠١٩، مەسرور بارزانی، سەرۆک وەزیرانی هەرێمی کوردستان، پەیامێکی ئاراستەی بنەماڵەی شێخ سدیق عەبدولعەزیز، زانای ئایینی و ڕابەری پێشووی بزووتنەوەی ئیسلامیی کوردستان کرد کە دوێنێ لە شاری سلێمانیدا کۆچی دوایی کردووە.


ئەمەش دەقی پەیامەکەیە:


پەیامی سەرەخۆشی سەرۆک وەزیرانی هەرێمی کوردستان

بۆ بنەماڵەی شێخ سدیق عەبدولعەزیز


پرسە و سەرەخۆشی خۆمان ئاراستەی بنەماڵەی بەڕێزی زانای ئایینی و رابەری پێشووى بزووتنەوەی ئیسلامی كوردستان شێخ سدیق عەبدولعەزیز دەکەین. خوای گەورە بە بەهەشتی شاد بکات و ئارامی و دڵنەواییش بە کەسوکاری ببەخشێت.



مەسرور بارزانی

سەرۆک وەزیرانی هەرێمی کوردستان











باسنيوز