وەزارەتی بەرگری حکومەتی یەمەن ڕایگەیاند: کە ڕێڕەوی فڕینی فڕۆکەخانەی نێودەوڵەتی سەنعەیان کردۆتە ئامانج بۆ ڕێگریکردن لە نیشتنەوەی فڕۆکەیەکی ئێرانی.

وتەبێژی حوسییەکان کە هاوپەیمانی ئێرانن و فڕۆکەخانەی نێودەوڵەتی سەنعە کۆنتڕۆڵ دەکەن، عەرەبستانی بە تاوانبار زانی و ڕایگەیاند، وەڵامیان دەدەنەوە.

فڕۆکەیەکی جۆری ماهان ئێر ڕۆژی ٤ی خاکەلێوە بەرەو شاری سەنعە گەشتی كرد و دوای چەند کاتژمێرێک گەڕایەوە تاران.

گەشتەکە چەند کاتژمێرێک دوای ئەوە بوو کە بڵاوکرایەوە کە "رێککەوتنی گواستنەوەی ئاسمانی لە نێوان بەڕێوەبەرایەتی گشتی فڕۆکەوانی مەدەنی یەمەن و کۆمپانیای ماهان ئایر"ی ئێران واژۆ کراوە، کە بەپێی ئەو ڕێککەوتنە "دەتوانرێت هەفتانە ١٤ گەشت لە ئێران و یەمەنەوە ئەنجام بدرێت".

دەوترێت ئەو فڕۆکەیە لە ڕێگەی ئاسمانی عومانەوە بەرەو شاری سەنعە فڕیوە.

 

 

 

گوڵان: سەردار خەلیل