بەرپرسی نووسینگەی ڕزگارکردنی ڕفینراوانی کوردانی ئێزدی ڕایگەیاند، کچێکی کوردی ئێزدی لە دەست ڕێکخراوی تیرۆریستیی داعش ڕزگار کرا کە لە ٣ی ئابی ٢٠١٤ کەوتبووە دەستیان.

ئەمڕۆ، چوارشەممە، ٤ی ١٢ی ٢٠١٩، حسێن قائیدی گوتی: نووسینگەکەیان توانیویەتی، ڕەنا نەواف عەباس، کە تەمەنی ١٧ ساڵە و خەڵکی خانەسۆرە، ڕزگار بکات.

قائیدی ئاماژەی بەوەش دا: "ئەوان لە نووسینگەی ڕزگارکردنی ڕفینراوانی ئێزدی پلان و ئالیەتی نوێیان هەیە بۆ ڕزگارکردن و سەرەڕای هەموو بەربەستەکان، بەردوامن لە ڕزگارکردنی ئەو ڕفێندراوانە."