بارەگای بارزانی بەبۆنەی كۆچی دوایی شێرزادخانی شێرزادی، سەرۆك عەشیرەتی كەلهوڕ و كەسایەتیی ناوداری دەڤەری كرماشان، برووسكه‌یه‌كى بڵاو كرده‌وه‌.

ئه‌مڕۆ چوارشه‌ممه‌ 4/12/2019، باره‌گاى بارزانى برووسكه‌یه‌كى بڵاو كرده‌وه‌، تێیدا هاتووه‌: "بەداخ و پەژارەیەكی زۆرەوە هەواڵی كۆچی دوایی كەسایەتیی ناوداری دەڤەری كرماشان (شێرزادخانی شێرزادی) ئیلخان و سەرۆكی عەشیرەتی كەلهوڕمان پێ گەیشت".

هه‌ر له‌ برووسكه‌كه‌دا ئاماژه‌ به‌وه‌ش دراوه‌: "بەم بۆنە خەمناكەوە سەرەخۆشی لە ئێوەی بەڕێز و جەماوەری گیلانی غەرب و كرماشان دەكەین. سەبر و ئارامی بۆ هەموو لایەك دەخوازین و جێگەی خوالێخۆشبوویش بەهەشتی بەرین بێت".


ده‌قى برووسكه‌كه‌ى باره‌گاى بارزانى:

بەناوی خودای بەخشندە و میهرەبان

بۆ بنەماڵەی خوالێخۆشبوو شێرزادخانی شێرزادی
بەداخ و پەژارەیەكی زۆرەوە هەواڵی كۆچی دوایی كەسایەتیی ناوداری دەڤەری كرماشان "شێرزادخانی شێرزادی" ئیلخان و سەرۆكی عەشیرەتی "كەلهووڕ"ـمان پێ گەییشت.

بەم بۆنە خەمناكەوە سەرەخۆشی لە ئێوەی بەڕێز و جەماوەری گیلانی غەرب و كرماشان دەكەین. سەبر و ئارامی بۆ هەموو لایەك دەخوازین و جێگەی خوالێخۆشبوویش بەهەشتی بەرین بێت.
انا للە و انا الیە راجعون

بارەگای بارزانی
4ـی 12ـی 2019













باسنيوز