بەڕێوەبەرایەتیی گشتیی نەهێشتنی ماددە هۆشبەرەكان لە ئاسایشی هەولێر لە راگەیێندراوێکدا دەستبەسەراگرتنی نزیكەی 10 كیلۆ ماددەی هۆشبەری راگەیاند و بەپێی راگەیێنراوەكە، "دوو تۆمەتبار بەنیازبوون ئەو ماددەیە لە رێگەی كۆمپانیایەكی گواستنەوەوە بنێرنە كەنەدا".

بەپێی راگەیەنراوەكە، لە دوو چالاكی جیادا لەرۆژی 28-9-2019 هێزەكانی ئاسایش توانیویانە دەستبگرن بەسەر 9 كلیۆ ‌و 100 گرام ماددەی هۆشبەر لە جۆری كریستاڵ ‌و بڕی 610 گرام لە جۆری تلیاك.

وەك لە راگەیەنراوەكەدا هاتووە، "ئەو ماددانە لەناو چەند گۆشەیەك (بالیف) شاردرابوونەوە و بەنیازبوون لەڕێگەی كۆمپانیایەكی گواستنەوە بنێردرێنە وڵاتی كەنەدا".

ئەو تۆمەتبارانەی بەو كارە هەڵساون، دوو كەسی ئێرانین و ئێستا بەپێی ماددەی 14ی هۆشبەر دەستگیركراون.