گوتەبێژی پۆلیسی سۆران ڕای دەگەیەنێت، كچە قوتابییەك لە شارده‌ێى خەلیفانی سەر بە شارۆچكه‌ى سۆران بە فیشەك كۆتایی بە ژیانی هێنا.

موقەدەم شەماڵ دێوالی، گوتەبێژی پۆلیسی سۆران ڕايگەیاند: ”ڕۆژی 27/9/2019 لەلایەن نەخۆشخانەی فریاكەوتنی خەلیفانەوە ئاگادار كراینەوە كە هێنانی تەرمێك بە ناوی (ئ، ج)“.

ئەوەشی خستە ڕوو كە بە گوتەی دایك و باوكی ئه‌و كچه‌، خۆی بە چەكی جۆری دەمانچە تەقەی لەخۆی كردووە و كۆتایی بە ژیانی هێناوە.

هاوكات گوتەبێژی پۆلیسی سۆران گوتیشی: ”كچەكە لەدایكبووی ساڵی 2003یە و دانیشتووی شاره‌دێى خەلیفانە و پیشەی قوتابییە“.

شه‌ماڵ دێوالى باسی لەوەش كرد: "گومانمان لە خۆكوشتنى ئەو كچە هەیە، لێكۆڵینەوەكانمان بەردەوامە و ئەو زانیارییانەی هەیە تەنیا سەرەتایین، ئەگەر لێكۆڵینه‌وه‌كان بەو ئاڕاستەیەى ئێستا بڕوات، لەوانەیە دەستێكی تێدا بێت“.












باسنيوز