ژینگەها دهۆكێ دی خودان چار كارگەه رەوانەی دادگەهی دكەت
محەمەد تاهر بریفكانی، رێڤەبەرێ فەرمانگەها ژینگەها دهۆكێ دیار كر: "پشتی گازندیێن وەلاتیان گەهشتینە مە ل تەناهیی و زركا لسەر هەبوونا بهنا غازی و پیس ل كواشی كارگەه ب شەڤێ كاردكەن و دووگیلەكا پیس دبسەر خەلكێ و ژینگەهێ دا دهێت ل شەڤا بۆریدا لیژنەكا ژینگەها دهۆكێ قەستا كواشی كر و چار كارگەه گرتن ئەڤرۆ ئەم لسەر معاملێن وان كاردكەن داكو رەوانەی دادگەهی بكەین و پێرابوون دگەلدا بهێنە وەرگرتن ئەو كارگەه بهێنە گرتن".
خۆیا ژی كر: "چەندین غازێن مەترسیدار ژڤان كارگەه دەركەڤتن وكارتیكرن ل ژینگەهێ دكەن ئەم بەردەوام دوڤچوونی ل سەر وان كارگەه دكەن یێن ژینگەهێ پێس دكەن ژ دوهێ وەرە دەمێ ئەم چووینە دەڤ وان كارگەه هەتا نوكە ژی كارتیكرن پیساتیا وان لسەر یا هەی وگەلەك كارتیكرن ل ژینگەهێَ دكەن لەورا دهێنە سزادان".
باسنيوز
