به‌رپرسێ راگه‌هاندنێ ل رێڤه‌به‌ریا پۆلیسێن پارێزگه‌ها دهۆكێ دیاركر: "پشتى پۆلیسێن نه‌هێلانا گونه‌هباریان نڤێسینگه‌ها خه‌بات زانیارى لسه‌ر كه‌سه‌كێ خرڤه‌كرین دیاربوو كو هژماره‌كا زۆر یا فێلبازیان ل خودانێن ماركێت و فرۆشگه‌هان كرینه‌".

هێمن سلێمان به‌رپرسێ راگه‌هاندنێ ل رێڤه‌به‌ریا پۆلیسێن پارێزگه‌ها دهۆكێ راگه‌هاند كو ئه‌و كه‌سێ تومه‌تبار هاتیه‌ ده‌سته‌سه‌ركرن ودانپێدان به‌رامبه‌ر دادوه‌رى وئه‌فسه‌رێن ڤه‌كۆلینێ ب تاوانیێن خوه‌ كرینه‌ ب شێوه‌یه‌كێ سه‌یر كارت و فێلبازى ل خودانێن فرۆشگه‌ه و ماركێتان كرینه.‌ وی تومه‌تبارى دانپێدان ب تاوانێن خوه‌ كریه‌. ئه‌م داخوازێ ژ خه‌لكێ خوه‌ دكه‌ین ب هشیارى سه‌ره‌ده‌ریێ دگه‌ل ڤان جۆره‌ ره‌فتاران بكه‌ن هه‌ر ده‌مێ بۆ وان گومانه‌ك لسه‌ر كه‌سه‌كێ دروست بیت ئێكسه‌ر پۆلیسان ئاگه‌هدار بكه‌ن داكو بهێته‌ ده‌سته‌سه‌ركرن.

ئه‌و تومه‌تبار دانپێدانا خوه‌ دا دبیژت: "ئه‌ز چوومه‌ ماركێته‌كێ من هنده‌ك ئاهێن خارنێ هه‌تا 20 كارتا ژى وه‌رگرتن من گۆتى حساب بكه‌ دێ چم ترۆمبیلى ئینم، دێ زڤرم. من فێلبازى لێ كر وپاشى چوومه‌ ماركێته‌كا دى نێزیك وێ من ئه‌ڤ كار بسه‌رێ وى ژى ئینا وپاشى چوومه‌ پیشه‌سازیا دهۆكێ هه‌مان كار ئه‌نجام دان ودووڤدا ژى ل زاخۆ ژى ده‌ست ب فێلبازیا كر ل هژماره‌كا ماركێت و فرۆشگه‌ه ئه‌ڤ فێلبازیا ئه‌نجامدایه‌".












باسنيوز