ناوی لیژنە تازەکانی پەرلەمان بڵاو دەکريتەوە
پەرلەمانی کوردستان چوار لیژنەی ھەمیشەیی زیاد دەکات و لەنێو لایەنە سیاسییەکان سەرۆک و جێگر و بڕیاردەر و ئەندامەکانی لیژنەکان دابەش دەکرێت.
لیژنەی پێشمەرگە و ناوخۆ و حکوومەتە خۆجێیەکان، لێک جیا دەبنەوە و دەبنە دوو لیژنە بە ناوی لیژنەی پێشمەرگە و لیژنەی ناوخۆ و حکوومەتە خۆجێیەکان".
هاوکات لیژنەی دەستپاکی و سکاڵا و کاروباری پەرلەمان، دەگۆڕدرێت بۆ لیژنەی دەستپاکی و لیژنەی کاروباری پەرلەمان و سکاڵا و لیژنهى کاروباری کۆمەڵایەتی و داكۆكىكردن له مافی ئافرهت و لە مافی مرۆڤ، دەگۆڕدرێت بۆ لیژنەی کاروباری کۆمەڵایەتی و داکۆکیکردن لە مافی مرۆڤ و لیژنەی داکۆکیکردن لە مافی ئافرەت.
هەر لەم پەیوەدندییەدا لیژنهى شارهوانى و گواستنەوە و گەیاندن و گەشتوگوزار و ئاوەدانکردنەوەو وەبەرهێنان، دەگۆڕدرێت بۆ لیژنەی شارەوانی و گەشتوگوزار و گواستنەوەو گەیاندن و لیژنەی ئاوەدانکردنەوە و وەبەرھێنان.
بڕیارە دوای خوێندنەوەی یەکەم بۆ پەیڕەوی ناوخۆی پەرلەمان، ئەندامانی ئەم لیژنانە و سەرۆک و جێگری لیژنەکان لەنێو لایەنە سیاسییەکاندا رێککەوتنیان لەسەر بکرێت و دواتر لە پەرلەمانی کوردستان متمانەیان پێ بدرێت.
ئەمڕۆ سێشەممە پەرلەمانی کوردستان خوێندنەوەی یەکەمی بۆ ھەمواری پەیڕەوی ناوخۆی پەرلەمانی کوردستان کرد و لە دوو دانیشتنی دیکەدا پەسەندی دەکات.
باسنيوز
