دوای دوو ساڵ لە رزگارکردنەوەی مووسڵ، بڕیاری نۆژەنکردنەوەت مزگەوتی نوری دەدرێ، کە چەکدرانی رێکخرای تیرۆریستی داعش وێرانیان کرد.

چەکدارانی داعش مزگەوتی نوری و هەموو شوێنەوارە مێژوییەکانی شاری مووسڵ و هەموو ناوچە داگیرکراوەکانی دیکەیان لەناو برد.

لە کۆنگرەی پاریس، کە نوێنەری رێکخراوی یونسکۆ، وەزیری رۆشنبیریی عێراق و پارێزگاری نەینەوا تێیدا ئامادەبوون، بڕیار دراوە شوێنەوارە مێژووییەکانی نەینەوا بە مزگەوتی نوورییەوە، نۆژەن بکرێنەوە.

ئەمڕۆ پێنجشەممە 12-9-2019، مەنسوڕ مەرعید، پارێزگاری نەینەوا لە بەیاننامەیەکدا رایگەیاندووە، نۆژەنکردنەوەی مزگەوتی نوری، کە لە سەرەتای ساڵی داهاتوو دەست پێ دەکات، بە دوو قۆناغ دەبێ:

- لە قۆناغی یەکەم مین و تەقەمەنییەکانی دەوروبەری مزگەوتەکە پووچەڵ دەکرێنەوە.

- لە قۆناغی مزگەوتەکە لەسەر شێوەی خۆی نۆژەن دەکرێتەوە.

حکوومەتی عێراق لە مانگی 10ـی 2017 رزگارکردنەوەی تەواوەتیی مووسڵی لەژێر دەستی داعش راگەیاند و دوای دوو مانگیش، رزگارکردەوەی تەواوەتیی عێراقی لە داعش، راگەیاند.

لە مانگی 6ـی 2014، نزیکەی دوو هەزار چەکداری رێکخراوی تیرۆریستی داعش هێرشیان کردە سەر شاری مووسڵ و لە ماوەی چەند رۆژێکدا، هەرەسیان بە سوپای عێراق هێنا و زۆربەی ناوچەکانی پارێزگاکانی نەینەوا، دیالە، سەڵاحەدین و ئەنباریان داگیر کرد.












باسنيوز