سه‌رۆكا فراكسیۆنا پارتى دیموكراتى كوردستان ل ئه‌نجوومه‌نا نوونه‌رێن عێراقێ دبێژیت به‌رنامه‌یه‌کى رێک و پێک ژلایێ مه‌ڤه هاتیه دارشتن بۆ كۆمبوونا‌ ئه‌نجوومه‌نێ نوونه‌راو، دبێژیت، لیستا زه‌ر ئه‌ڤ بێهنڤه‌دانه ب ده رفه‌ت زانی و رابووین ب چه‌ندین سه‌ره دانێن جودا جودا.

ل 5\3\2019 بێهنڤه‌دانا ئه‌نجوومه‌نا نوونه‌رێن عێراقێ ب دوماهى دئێت و خولا نوو دێ ده‌ستپێكه‌ت و هه‌ر فراكسیۆنه‌ك دێ به‌رنامێ كارێ خۆ خه‌ته‌ به‌ر ده‌ستێ ئه‌نجوومه‌نى و كاری ل سه‌ر كه‌ت.

بۆ ڤێ مه‌ره‌مێ د. ڤیان سه‌برى بۆ ماڵپه‌ڕێ فه‌رمیێ پارتى دیموكراتى كوردستان گۆت"په‌رله‌مانتارێن لیستا زه‌ر بێهنڤه‌دانێن خولا یاسا دانانێ ل چڤاتا نوێنه‌رێن عێراقێ ب ده‌رفه‌ت زانی و رابوون ب چه‌ندین بزاڤێن جودا جودا ل باژێرو باژێرکێن لێ هاتینه هه‌لبژارتن، چونكه بێهنڤه‌دانا په‌رله‌مانى ده‌ستپێكا كارێ ئاساییه‌ وه‌کو ئه‌رکه‌ک بۆ هه‌ر په‌رلەمانتاره‌كى نه‌ک بێهنڤه‌دان وەکو بیر لێ تێته‌كرن".

سه‌رۆكا فراكسیۆنا پارتى دیموكراتى كوردستان ل ئه‌نجوومه‌نا نوونه‌رێن عێراقێ گۆتژى، به‌رنامه‌یه‌کى رێک و پێک ژلایێ مه‌ڤه هاته دارشتن و دناڤ جه‌ماوه‌ریدا ئاماده بووین بۆ گێڕانا کۆمبون و کۆڕو سمینارا, دا ژ نێزیك هایداری پێشنیارو گله‌و گازندێن وێ خه‌لکی بین و بزانین یێ بده‌نگێ خۆ پالپشتیا مه‌کرین و ئه‌م ب نوێنه‌رێن خو زانین ل چڤاتا نوێنه‌رێن عێراقێ، ژلایێ دیڤه‌ژی و ل شرۆڤه‌كرنا یاسا بودجا عیراقێ یا ده‌نگدان ل سه‌ر هاتیه‌دان بۆ وێ خه‌لكى.

هه‌روسا د. ڤیان ئیماژه‌ ب وێ یه‌كێ ژى كر كو مه وه‌كو په‌رله‌مانتارێن پارتی دیموکراتی کوردستان ئه‌ڤ بیهنڤه‌دانه ب ده رفه‌ت زانی و رابوین ب چه‌ندین سه‌ره دانێن جودا جودا وه‌کو وه‌زاره‌ت و رێڤه‌به‌ریێن گشتی و ده‌زگه هێن ره‌وشه‌نبیری و چڤاکی ل هه‌رێما کوردستانێ و باژێرێ میسل ژ بۆ په‌یدابونا پتر هه‌ماهه‌نگیێ داناڤبه‌را مه‌دا و وۆرکشوپه‌ک لدۆر ستراتیژی و په‌یوه‌ندییێن جه‌ماوه‌ری ژلایێ رێکخراواNDI  ڤه‌هاته ئه‌نجامدان و بۆ ماوێ دوو روژا ڤه‌کێشا.
KDP-