له‌ گوندی "پێچی قه‌ڵاته‌ی شاتر"ی نزیك شاره‌دێی ته‌وێڵه‌، ئیسك و پرووسك و جلوبه‌رگی ژنێك دۆزرایه‌وه‌، وه‌ك باسیش ده‌كرێت، ژنه‌كه‌ له‌ كاتى كۆڕه‌وه‌كه‌ی گه‌لی كورد له‌ ساڵی 1991 مردووه‌.

رائید بەرزان عوسمان محه‌مه‌د، گوتەبێژی پۆلیسی پارێزگای هەڵەبجە، ئه‌مڕۆ شه‌ممه‌ 23ی شوبات/ فێبرایه‌ری 2019 رایگه‌یاند، ئێسك و پرووسكی ژنه‌كه‌، له‌ ته‌نیشت رێگه‌كه‌ ژێرخاك نراوه‌ و له‌لایه‌ن هاووڵاتیانه‌وه‌ دۆزراوه‌ته‌وه‌ و پۆلیس و لایه‌نه‌ په‌یوه‌ندیداره‌كانییان لێ ئاگاداركردووه‌ته‌وه‌.

راشیگه‌یاند، به‌ بڕیاری دادوه‌ر ئێسك و پرووسكی ژنه‌كه‌ ره‌وانه‌ی پزیشكی دادی هه‌ڵه‌بجه‌ كراوه‌ و په‌ڕاوی لێكۆڵینه‌وه‌ش بۆ دۆسیه‌كه‌ كراوه‌ته‌وه‌.
k24-