به‌ڕێز فواد حسێن سه‌رۆكی دیوانی سه‌رۆكایه‌تی هه‌رێمی كوردستان له‌ لێدوانێكدا رایگه‌یاند :
دوابه‌دوای بڵاو بوونه‌وه‌ی هه‌واڵێك له‌ هندێك له‌ ده‌زگاكانی راگه‌یاندن سه‌باره‌ت به‌ ناجێگیربوونی باری ته‌ندروستی به‌ڕێز مسعود بارزانی سه‌رۆكی هه‌رێمی كوردستان ، به‌ پێویستی ده‌زانین بۆ رای گشتی رایبگه‌ینین كه‌ باری ته‌ندروستی به‌ڕێز مسعود بارزانی سه‌رۆكی هه‌رێمی كوردستان زۆر باشه‌ و هیچ كێشه‌یه‌كی ته‌ندروستی نییه‌ ، و ئه‌مرۆ (2/4/2015) به‌ڕێزیان به‌شداری كردووه‌ له‌ مه‌راسیمی كردنه‌وه‌ی (پێشانگای نێوده‌وڵه‌تیی هه‌ولێر بۆ كتێب) به‌ڵام به‌هۆی تووشبوون به‌ نه‌خۆشی (هه‌ڵامه‌ت) و گرفت له‌ ده‌ربڕینی ده‌نگی ، نه‌یتوانیوه‌ له‌ مه‌راسیمه‌كه‌دا ووتار پێشكه‌ش بكات .

و هه‌روه‌ها به‌ڕێز سه‌رۆكی ده‌زگای (المدی) بۆ راگه‌یاندن و رۆشنبیری و هونه‌ر له‌ ووتاره‌كه‌یدا ئاماژه‌ی به‌م بابه‌ته‌ كردووه‌ .

له‌ كۆتاییدا دووباره‌ جه‌خت ده‌كه‌ینه‌وه‌ كه‌ سوپاس بۆ خوای گه‌وره‌ و میهره‌بان كه‌ باری ته‌ندروستی به‌ڕێز سه‌رۆك بارزانی زۆر باشه‌ .

فۆاد حسێن سه‌رۆكی دیوانی سه‌رۆكایه‌تی هه‌رێمی كوردستان
2/4/2015