سکرتێری پەرلەمانی کوردستان ئاشکرای کرد، کە بڕیارە سبەینێ پەرلەمانی کوردستان دەست پبکاتەوە بە کار و، لە یەکەم کۆبوونەوەیشدا پەرلەمانتاران دوو پڕۆژەیاسا تاوتوێ دەکەن.

(فەخرەدین قادر) سکرتێری پەرلەمانی کوردستان بە ماڵپەری فەرمیی پارتیی دیموکراتی کوردستانی ڕاگەیاند: "پشووی پەرلەمان بڕایەوە و، بڕیارە سبەی پەرلەمانی کوردستان دەست بکاتەوە بە کار؛ لە یەکەم کۆبوونەوەشدا پەرلەمانتاران دوو پڕۆژە یاسا تاوتوێ دەکەن."
(فەخرەدین) دەربارەی پڕۆژەیاساکان گوتی: "یەکێکیان پڕۆژەبڕیاری دانانی شارۆچکەوان (قایمقام) و شارەدێوان (بەڕێوبەری ناحیە)کانە و، ئەوی دیکەیشیان پڕۆژەیاسای داھاتی نەوتە."
پەرلەمانی کوردستان مانگی یەک و دوو پشووی یاسادانانی بوو، بەڵام لە سەرەتای ئەم مانگەوە پشووەکە بڕایەوە.