پشتی ژیێ حکومەتا ھەرێما کوردستانێ بەرەڤ دووماھیێ ھاتی و ژ ئەنجامێ گەمارۆدانا ھەرێمێ ژلایێ سیاسی و ئابووری و دارایی ژلایێ حکومەتا تائیفی یا شیعەگەریا عیراقێ ، کۆ ئەوژی دەرئەنجامێ خیانەتکاریا بالەکێ وەلات فرۆشێن ( ێ . ن . ک ) و دیڤەلانکێن وان بوو ، ل ( ١٦ ) ئکتوبەرێ ل کەرکووک و دەوررو بە ، ھەرێما کوردستانێ ئێخکستە د قەیرانەکا دژوارا یا ئابووری و دارایی ، ئەوا بوویە ئەگەرێ ژدەست دانا ژێدەرێن سەرەکیێن داھاتێ کوردستانێ یێ نەفتێ و بڕینا بۆدجە و مۆچێ کوردستانێ .
ھەرچەندە حکومەتا ھەرێما کوردستانێ حکومەتەکا بنگەە فراوان بوو ب پشکداریا پرانیا حزبێن مەزنێن کوردستانێ و ھەمی حزب ل دەسکەفت و ئاریشێن حکومەتێ بەشدارن .
مخابن لجھێ خۆ ب خودان زانینا ھەمی ئالیێن پشکدار لڤێ حکومەتێ بۆ دەربازبوون لقێ قەیرانێ ، ژبووی کۆرتکرنا قەیرانێن ھەرێمێ ، بزاڤا گۆران و کۆمەلا ئیسلامێ د مەھێن دووماھیا ژیێ حکومەتێ خۆ ڤەکێشا . لسەر ڤان قەیرانێن ئابووری و سیاسی یێن بسەر ھەرێمێ ھاتی ، ل چەند دەڤەرێن سلێمانیێ و ھەلەبچە ھەولێن راپەرینەکا دوژمنانە بۆ ھەلوەشاندنا ھەرێما کوردستانێ وەک کیانەکێ سیاسیێ کوردستانی کۆ ھیڤیا پاشەرۆژەکا گەشا خەلکێ کوردستانێ بناڤێ خۆ نیشاندانان دھێنە ھاڤێتن . ئەگەر مەبەستا وان تێکدەرا ئەڤە نەبیت ، سۆتنا رێڤەبەری و فەرمانگەھێن میری و بارەگایێن حزبێن کوردستانێ و کورشتنا خەلکی چ پەیوەندی ب خۆ نیشاندانێن ئاشتیانە ھەیە . ئەگەر ھەمی حزبێن پشکدار ل حکومەتێ خۆ ب خودانێ ھەرێمێ ب گشتی زانی با دا دەستێن ئێکگرن و پێکڤە ھەولێن چارەسەریا ڤان قەیرانان کەن ، نە دڤان کاودانان دا پشتەڤانیا خەلکەکێ تێکدەر کەن بۆ خرابکاریا و خۆ ڤەکێشان ل حکومەتێ .
خۆ نیشاندان دڤان کاودانان دا نیشانێ ترسنۆکی و بەرژەوەد پەرستیا وان حزبا یە . چونکی ژبلی کورت بوونا ژیێ حکومەتێ ، سەرۆکێ حکومەتێ داخازا ھەلبژاردنێن پێشوەخت دکەت و ل سێ مەھێن دی دەرباز نەبیت ، ئەڤ داخازا حکومەتێ باشترین رێکا دەربازبوونا ھەرێمێ یە ل قەیرانێن نافخۆیی و دەرڤە ، چونکی ئەڤ حزبێن خۆ ڤەدکێشن دسێ مەھێن ئۆپوزسیونیێ دا دێ چ دەسکەفتێن نەتەوی و نشتیمانی و خزمەتگۆزاری بدەستڤە ئینن ...؟! .
ئەگەر ترسنۆکی و بەرژەوەند پەرستی نەبیت .
لێ دیار دبیت بۆ ڤان حزبا بەرژەوەندێن وان ل بەرژەوەندێن خەلکی و وەلاتی فەرتر و گرنگترن ، لجھێ ھندێ ھەول بدەن خۆ ل ئەجندایێن داگیرکەران رزگار بکەن ، گۆ ئەڤرۆ زێدەتر ل ھەر دەمەکی دەست ئینایە ناڤ کاروبارێن ھەرێما کوردستانێ ل سلێمانیێ و ھەلەبچە نەخاسمە حکومەتا عیراقا و ئیرانێ .
خۆ ڤەکێشان دڤان کاودانان دا ژبلێ ڤێ چەندا مە دیارکری ، ھاریکارە بۆ بەرفرەھبوون و خۆشکرنا سفرا عیراقێ و ئیرانێ ل کوردستانێ کۆ پیلانەکا دارشتی یە و ھیڤی یا وان یا مێژینەیە . لسەر ئاستێ نیڤ دەولەتی ژی دووبەرەکی ناڤبەرا حزبێن کوردستانی و چوونا ھندەکان بۆ بەرەیێ عیراقی بوونێ دێ کاریگەریەکا نیگەتیڤ ھەربیت و فاکتەرێن دۆمدارکرنا قەیرانێن سیاسی و دارایی یە ل کوردستانێ . ئەز باوەرم پرانیا خەلکێ کوردستانێ ژی ڤان راستیان دزانیت کۆ چ حزب دسێ مەھێن ئۆپۆزسیۆن بوونێ دا نەشێت خزمەتا بەرژەوەندێن گشتی بکەت .
لێ دیار دبیت ئەڤان حزبا ل پشکداریکرن ل دەسھەلاتێ دا شکەستن ئینایە ، ھەر وەکی لسالێن بووری ل دەمێ ئۆپۆزسیۆن بوونێ دا شکەستن ئینای و وەلات تووشی دووبەرەکیێ و کەرب و کینێ کری .
پشتی پیلانا خیانەتکاریا (١٦) ێ ئکتۆبەرێ زێدەتر بۆ خەلکێ کوردستانێدیار بوو کی حزبێ و کی سەرکردا بەرەڤانی ل ماف و ئارمانجێن نەتەوی و نشتیمانی یێن کوردستانێ کرن و کی شوونە بەرەیێ خیانەتکاریێ و ھەولێن نەھێلانا مۆرکا نەتەوەیی ل کوردستانێ دان . ئەڤ رۆژێن پشتی ڤێ خیانەتێ دبێژنە خەلکێ کوردستانێ ئەگەر سەرۆک بارزانی و پێشمەرگەھێن پارتی نەبان ، ئەڤرۆ حالێ ھەمی دەڤەرێن ھەرێما کوردستانێ دا مینا حەوێجە و کەرکووکێ و دەڤەرێن دیتر یێن داگیرکری تۆشی جینۆسایدکرنێ و عەبەرکرنێ و ئاوارەبوونێ بیت . ئەگەر بلیمەتا پارتی و سەرۆک بارزانی نەبا ئەڤرۆ دا ئالایێن ئیرایێن شیعەگەریێن عیراقێ سێبەرێ ل مالێن مەکەن و ئەبو بەکر و عومەر و عوسمان و عائیشایێن مە یان دا سەربڕی بن یانژی دا بنە علی و حوسەین و فاتیما .
ئەگەر بلیمەتا سەرۆکێ حکومەتا ھەرێما کوردستانێ نەبا بچۆکترین فەرمانبەرێ بالیۆزخانەیێن مینا وەلاتێن فەرەنسا و ئەلمانیا و بریتانیا و ئەمریکا و .... ھتد پێشواز رێبەر و سەرکردێن مە نەدکر .
ئەوا ئەڤرۆ ئەڤ حزبە دکەن ترسنۆکی یە و ڕەڤینە ل بەرپرسیاریا نەتەوی و نشتیمانی و چەوا د ئەزمۆنا بەشداریێ ل حکومەتێ تووشی دۆراندنێ بوون وە ل ئۆپۆزسیۆن بوونێ دا دێ تۆشی دۆراندنەکا مەزنتر ئیننە سەر دۆراندنێن خۆ یێن بەرێ و حکومەتا ھەرێما کوردستانێ ب رێڤەبەریا پارتی دێ بسەرکەڤیت و بسەر بلندی و شانازی ڤان قەیراندان دەرباز کەت و دێ کوردستانێ بەرەڤ ئاسۆیێن گەش بەت تا دووماھی قۆناغ و کۆپیتکا خزمەتکرنێ و بەرختەوەریێ .