وێنە دەتوانێ مێژوو دروست بكات یان تۆمار بكات، چونكە هەندێك جار وێنەیەكی مێژوویی یان كۆن دەتوانێ بەرامبەر هەزار وشە بێ لە بیر هێنانەوە و زانیاری بەخشین، وەك ئەو پەندەی كە دەڵێ: هەر وێنەیەك هەزار وشەیە ! یەكێك لە وێنە دێرین و مێژووییەكان بۆ (213) ساڵ گیراوە لە مەوبەر، ئەویش وێنەیەكی قەڵای هەولێر و شاری هەولێرە، مێژووی ئەو وێنەیە دەگەڕێتەوە بۆ ساڵی (1800) كە بە كامیرای وێنەی رەش و سپی گیراوە، ئەو كاتە كوردستان یان ئەو ناوچانە لە ژێر دەسەڵاتی عوسمانییەكاندا بوو،ئەم وێنەیە تەنیا قەڵای هەولێرە و لە دەوروپشتی چەند خانوویەكی بچووك هەیە، هەروەها كۆمەڵێك خەڵكی كۆچبەر بە وڵاغ و ئەسپ لە قەڵاوە دەردەچن، هەروەها لە دەوروبەری قەڵا چەند گردێكی گەورە هەبووە و بەڵام بەهۆی گەورەبوونی شارەكە و ئەو گردانە نەماون، ئەو وێنەیە دەگەڕێتەوە بۆ زیاتر لە دوو سەدە، وەك وێنەیەكی مێژوویی بۆ قەڵا و شاری هەولێر دەناسرێ، ئەو وێنەیەش بە كامیرای (داگیرۆتایپ) وەرگیراوە كە لەلایەن زانای جیهانی (لویس داگیرۆ) دروست كراوە و چەند وێنەیەكی مێژوویی ناوچەی رۆژهەڵاتی پێگیراوە.