سعودیە مانۆڕێکی سەربازیی لە ئاوەکانی کەنداوی عەرەبییەوە تاوەکو دەریای عەرەبی ئەنجام دەدات و هێزەکانی بە نزیک هێزە ئێرانییەکاندا تێدەپەڕن.



مانۆڕەکە سەرلەبەیانیی رۆژی چوارشەممە 5ـی تشرینی یەکەمی 2016 بە بەشداریی کەشتییەکانی شا سەلمان، شای سعودیە، بەلەمە خێراکان، فڕۆکە جەنگییەکانی هێزی دەریایی، یەکەی پیادەی هێزی دەریایی و یەکەکانی ئاسایشی دەریایی تایبەت دەستی پێکرد.



هەروەک میدیا سعودییەکان بڵاویان کردووەتەوە، مانۆڕەکە ناو نراوە قەڵغانی کەنداوی یەک (درع ئەلخەلیج 1) و لە کەنداوی عەرەبییەوە بە تەنگەی هورمز و لە نزیک سوپای دەریایی ئێراندا تێدەپەڕێت تاوەکو دەگاتە دەریای عەرەب.







باسنیوز