په‌رله‌مانی ئه‌ڵمانیا(بوندستاگ)، ئه‌مڕۆ پێنجشه‌ممه‌، به‌ زۆرینه‌ی ده‌نگی ئه‌ندامانی كوشتاری ئه‌رمه‌نه‌كانی له‌سه‌ر ده‌ستی هێزه‌ چه‌كداره‌كانی ده‌وڵه‌تی عوسمانییه‌كن له‌ ساڵی 1915دا به‌ كۆمه‌ڵكوژی ناساند.

وێده‌چێ توركیا به‌م بڕیاره‌ی په‌رله‌مانی ئه‌ڵمانیا كه‌ هاوكات هاوپه‌یمانی سه‌ره‌كیی ئه‌ورووپاییه‌كانه‌، نیگه‌ران بكا و، له‌به‌رانبه‌ر ئه‌و ڕێككه‌وتنه‌ی له‌گه‌ڵ یه‌كیه‌تیی ئه‌ورووپادا كردوویه‌تی پێوه‌ست به‌ هه‌وڵه‌كانی بۆ به‌ره‌گرتن به‌و لێشاوی كۆچه‌ی له‌ توركیاوه‌ به‌ره‌و ئه‌ورووپا ده‌چن، هه‌ڵوێست بگرێ.

ئانكارا ده‌ڵێ كه‌ له‌ جه‌نگی نێوان ئه‌رمه‌ن و هێزه‌كانی عوسمانییه‌كاندا، ئه‌رمه‌ن زۆر كوژراون، به‌ڵام ره‌تی ده‌كاته‌وه‌ كۆمه‌ڵكوژیی سه‌دانهه‌زار ئه‌رمه‌ن به‌شێوه‌یه‌كی به‌رنامه‌بۆدارێژراو بووه‌ و مه‌به‌ست لێی پاكتاوی ئه‌و پێكهاته‌یه‌ بووبێ.