به‌رپرسانی به‌ریتانیا جه‌خت له‌وه‌ ده‌كه‌نه‌وه‌ كه‌ به‌ڵگه‌ی نیگه‌رانكه‌ریان لایه‌ له‌سه‌ر ئه‌وه‌ی كورده‌كانی سوریا، هاوكاری و پشتیوانی له‌هێزه‌كانی به‌شار ئه‌سه‌د ده‌كه‌ن. هاوكات پشتیوانی له‌ هێزه‌كانی ڕووسیاش ده‌كه‌ن.



"فیلیب هامۆند" وه‌زیری ده‌ره‌وه‌ی به‌ریتانیا له‌ وتارێكدا له‌په‌رله‌مانی وڵاته‌كه‌یدا، ئه‌مڕۆ سێ شه‌ممه‌ گوتی: " له‌ماوه‌ی چه‌ند هه‌فته‌ی پێشوودا ئه‌وه‌مان هاتۆته‌ ده‌ست كه‌ به‌ڵگه‌ی نیگه‌رانكه‌ر هه‌یه‌ له‌سه‌ر ئه‌وه‌ی هێزه‌ كوردییه‌كانی سوریا و ڕژێمی ئه‌سه‌د و فڕۆكه‌ جه‌نگییه‌كانی ڕووسیا، هاوكاری و پشتیوانی یه‌كتر ده‌كه‌ن. ئه‌وه‌ش واده‌كات له‌ڕۆڵی ئه‌و كوردانه‌ نیگه‌ران بین".



ئه‌و گوتانه‌ له‌كاتێكدادێن كه‌ ژماره‌یه‌ك ناوه‌ندی سیاسی و شرۆڤه‌كاری سه‌ربازی ئاماژه‌ به‌وه‌ ده‌ده‌ن كه‌ هاوكاری له‌نێوان به‌شێك له‌كورده‌كانی سوریا و ڕژێمی ئه‌و وڵاته‌دا هه‌یه‌.





باسنیوز