به‌ڕێوه‌به‌رێكى پۆلیسى فه‌ڕه‌نسا رایگه‌یاند: كه‌ دۆینێ سێ شه‌ممه‌ له‌ نزیك شارى لیۆنى فه‌ڕه‌نسا؛ پێنج كه‌س كه‌ له‌ نێوانیاندا ئافره‌تێكیش هه‌بووه‌ و به‌نیاز بوون هێرش بكه‌نه‌ سه‌ر گازینۆكانى شه‌وانه‌ له‌ لایه‌ن پۆلیسه‌وه‌ ده‌ستگیر كران.

به‌ گوته‌ى ئه‌و پۆلیسه‌ ئه‌ندامانى ئه‌و گرووپه‌ تیرۆریستییه‌ پێشتر ئاماده‌كارییان كردبووه‌ و به‌نیاز بوون له‌ رێگاى بۆلگاریا و توركیا بچنه‌ ناو خاكى سوریا و بچنه‌ ریزه‌ كانى رێكخراوه‌ تیرۆریستییه‌كان.

شایه‌نى باسه‌ فه‌ڕه‌نسا له‌ ساڵى رابردوودا هێرشى تیرۆریستى زۆرى كرایه‌ سه‌رى و له‌ هێرشه‌ تیرۆریستییه‌كانى تشرینى دووه‌مى رابردوودا كه‌ له‌ لایه‌ن داعشه‌وه‌ ئه‌نجام درا؛ 130 كه‌س گیانیان له‌ده‌ستدا.