رێكخراوی‌ تیرۆرستی‌ داعش رایگه‌یاند، دوو له‌ ئه‌نجامده‌رانی‌ ته‌قینه‌وه‌كانی‌ پاریس كه‌ له‌ رۆژی‌ 13ی‌ تشرینی‌ دووه‌می‌ ساڵی‌ رابردوو روویاندا و به‌هۆیانه‌وه‌ 130 كه‌س كوژران، هاوڵاتی‌ عیراقی‌ بوون.

داعش له‌ دوایه‌مین ژماره‌ی‌ "دابق" كه‌ تایبه‌ته‌ به‌و رێكخراوه‌ تیرۆرستییه‌ و رۆژی‌ 19ی‌ ئه‌م مانگه‌ بڵاوكراوه‌ته‌وه‌، له‌ دوا لاپه‌ڕه‌ی‌ گۆڤاره‌كه‌دا وێنه‌ی‌ 9 له‌ ئه‌نجامده‌رانی‌ ته‌قینه‌وه‌كان له‌گه‌ڵ وێنه‌یه‌كی‌ پاریسی‌ پایته‌خت دانراوه‌ و له‌ مانشێته‌كه‌یدا نووسراوه‌ "تۆقینی‌ ته‌واوه‌تی‌".

وه‌ك له‌ وێنه‌كانیشدا ئاماژه‌یان پێكراوه‌ ناسنامه‌ی‌ ئه‌و خۆكوژانه‌ ئاشكراكراوه‌ كه‌ هه‌ندێكیان هه‌ڵگری‌ ره‌گه‌زنامه‌ی‌ سوری‌ یان به‌لژیكی‌ و فه‌ره‌نسین، دووانیش له‌وانه‌ وه‌ك عیراقی‌ ناسێنراون.

ئه‌وه‌ش روونكراوته‌وه‌ كه‌ دوو له‌و خۆكوژانه‌ی‌ له‌ نزیك یاریگای‌ فه‌ره‌نسا له‌هه‌مان رۆژ خۆیان ته‌قاندووه‌ته‌وه‌ پاسپۆرتی‌ سوریان پێبووه‌ و له‌گه‌ڵ ئه‌و كۆچبه‌ره‌ سوریانه‌دا بوون كه‌ له‌ یۆنانه‌وه‌ چوونه‌ته‌ فه‌ره‌نسا.




خه‌ندان-