حه‌سه‌ن دانایی ‌فه‌ر، باڵیۆزی ئێران لە عێراق رایگەیاند پەیوەندیی نێوان ئێران و عێراق و سووریا و رووسیا لە ئاستێكی باشدایە و لە داھاتوویەكی نزیكدا ئەو پەیوەندییە دەبێتە ھاوپەیمانیی.

حه‌سه‌ن دانایی ‌فه‌ر، باڵیۆزی ئێران لە بەغدا راشیگەیاند: پەیوەندیی نێوان وڵاتی ئێران و عێراق و سووریا و رووسیا، لە ئاستێكی باشدایە و لە داھاتوویەكی نزیكدا دەبێتە ھاوپەیمانیی چوارینە".

دانایی فەر گوتیشی: لێژنەیەكی ھاوبەش لە نێوان ئەم چوار وڵات پێكھاتووە بۆ ئالوگۆڕکردنی زانیاریی لە نێوانیاندا.

باڵیۆزی ئێران باسی بەرنامەی چاكسازیی سەرۆك وەزیرانی عێراق دەکات کە پێش چەند مانگێک دەستیپێکرد و دەڵێ: "كۆماری ئیسلامیی ئێران پشتیوانیی لە رەوتی چاكسازیی دەکات".

ئەم گوتانەی باڵیۆزی ئێران لە بەغدا لە كاتێكدایە ناوچەكە بە بارودۆخێكی ناهەمواردا تێدەپەڕێت و تا ئێستا ھەژموونی ئەمریكا لە عێراق زاڵترە نەك رووسیا، جگە لەوەی بەشداریكردنی ھەر وڵاتێك لەو ھاوپەیمانیی چوارینە وەک بەشێک لە چاودێران دەڵێن دەچێتە خانەی دژایەتیکردنی ئەمریكا.





K24