رۆژنامه‌ی فه‌رمی یه‌كێتی ئه‌وروپا له‌ژماره‌ی ئه‌مڕۆیدا بڵاویكردۆته‌وه،‌ له‌ئاست ئه‌و سه‌ركوتكاریانه‌ی حكومه‌تی سوریا به‌رامبه‌ر به‌ خۆپێشانده‌ران گرتوویه‌ته‌به‌ر، یه‌كێتی ئه‌وروپا سزای به‌سه‌ر چه‌ند كۆمپانیاییه‌ك و دوو وه‌زیری سوریا دا سه‌پاندن.


ئاژانسی هه‌واڵی رۆیته‌رز بڵاویكردۆته‌وه‌،‌ سزا سه‌پێندراوه‌كه‌ كۆمپانیای سیریتل كه كاری په‌یوه‌ندیی بێ ته‌له ده‌گرێته‌وه‌ له‌گه‌ڵ چه‌ند كۆمپانیایه‌كی تر له‌ناویاندا كۆمپانیای شام هه‌یه‌ و ئه‌وانی دیكه‌ش كاری وه‌به‌رهێنان ده‌كه‌ن.

هه‌ر له‌و رۆژنامه‌یه‌دا هاتووه‌ ‌سزاكه‌ كه‌ناڵی ئاسمانی دنیا و سێ كۆمپانیای دیكه‌ش له‌خۆ ده‌گرێت كه‌ سه‌ر باڵی سه‌ربازی ئه‌و وڵاته‌ن.

هه‌روه‌ها وه‌زیرانی دادو راگه‌یاندنی حكومه‌تی سوریا له‌لایه‌ن یه‌كێتی ئه‌وروپا ناویان خراوه‌ته‌ لیستی ئه‌و به‌رپرسه‌ سوریانه‌ی مافی سه‌فه‌ركردنیان لێ قه‌ده‌غه‌كراوه‌ بۆ وڵاتانی ئه‌ندام له‌یه‌كێتی ئه‌رووپا.