بە وێنە..لە هەولێر گەورەترین گەس درووستكرا

لە كەرنەڤاڵێكی تایبەتدا بە ئامادەبوونی ژمارەیەك لە بەرپرسانی حكومی و جەماوەری شاری هەولێر,گەورەترین گەس لەلایەن خواردنگەی(گەس ئازادی2)ڕاگەیەندرا كە زیاد لە سەد كەس بەشداربوون لە ئامادەكردن و درووستكرنیدا,وە ماوەی ساڵێكە بیرۆكەی ئەم پڕۆژەیەیان هەبوو بۆ درووستكردنی گەورەترین گەس لە جیهاندا.

ئەم پڕۆژە هاوچەرخە کە بە ئامانجی بەرزڕاگرتنی ناوی کوردستان لە ناوەندە نێودەوڵەتییەکان و ناساندنی زیاتری کلتوور و تواناکانی گەنجان و کەرتی گەشتیاریی شاری هەولێر ئەنجامدرا,لقی دووەمی خواردنگەی (گەس ئازادی) توانی شیشێکی گەسی ناوازە بە کێشی (2 تۆن و 674 کیلۆگرام)لە گۆشتی سوور ئامادە بکات,بەمەش ناوی شاری هەولێری خستە نێو کتێبی گینس بۆ ریکۆردە جیهانییەكان و بە فەرمی بڕوانامەكەی بەدەستهێنا.

لە ئێستادا ئەم گەسەی شاری هەولێر كە كێشەكەی بە دیاری كراوی 2تۆن و 674 كیلۆیە ژمارەی پێوانەیی پێشووی شكاند كە لە شاری ئەنقەرەی وڵاتی توركیا ساڵی 2012 درووستكرابوو بە كێشی یەك تۆن و 198كیلۆگرام.

گوڵان-ئاسۆ كاكەیی