ڕۆژی یەکشەممە ١٧ی ئایار، ڕێکخراوی تەندروستی جیهانی بەهۆی بڵاوبوونەوەی ڤایرۆسی ئیبۆلا، حاڵەتێکی نائاسایی جیهانی ڕاگەیاند و سەدان حاڵەتی گومانی تووشبوون و بە دەیان حاڵەتی گیانلەدەستدان لە کۆنگۆ و ئۆگاندا تۆمارکرا.

بەڕێوەبەری گشتی دوای ئەوەی زیاتر لە 300 حاڵەتی گومانلێکراو و 88 حاڵەتی گیانلەدەستدان تۆمارکران، ئەو لێدوانەی ڕاگەیاند.

ڕێکخراوی تەندروستی جیهانی لە پەیامێکدا لە تۆڕی کۆمەڵایەتی X جەختی لەوە کردەوە کە پەتاکە هێشتا پێوەرەکانی پەتایەکی جیهانی وەک Covid-19 بەدی نەهێناوە و هیچ پێشنیارێک بۆ داخستنی سنوورە نێودەوڵەتییەکان نییە.

ئیبۆلا نەخۆشییەکی زۆر درمییە و لە ڕێگەی شلەکانی جەستە وەک ڕشانەوە، خوێن و چەند شتی ترەوە دەگوازرێتەوە.

نەخۆشییەکە دەگمەنە بەڵام زۆر توند و زۆرجاریش کوشندە.

بەرپرسانی تەندروستی دەڵێن:  ئەم پەتایەی ئێستا کە بۆ یەکەمجار هەینی ڕابردوو پشتڕاستکرایەوە، هۆکارەکەی ڤایرۆسی بوندیبوگیۆیە، کە جۆرێکی دەگمەنی ئیبۆلایە و هیچ چارەسەر و ڤاکسینێکی پەسەندکراوی بۆ نییە.

 

 

 

گوڵان: سەردار خەلیل