لە درێژەی کارو چالاکییەکانی مەکتەبت پارتی دیموکراتی کوردستان لە قاهیرە ، ١٢٨ ساڵەی ڕۆژنامەگەریی کوردی و دەرچوونی یەکەم ژمارەی ڕۆژنامەی کوردستانی لە میسر بەرز ڕاگرت.بەئامادە بوونی ژمارەیەک کەسایەتی و ئەکادیمی و میدیایی و سیاسی و پەرلەمانتار و رۆژنامەنووس قوتابیانی کورد لە زانکۆکانی قاهیرە ئەسکەندەریە-مەنسورە- عەین شەمس،و زانکۆی ئەزهەر

128 ساڵ لەمەوبەر یەکەم ڕۆژنامەی کوردی لە ساڵی 1898 لە ژێر ناوی "کوردستان" دەرچوو، کە نوێنەرایەتی لەدایکبوونی ڕۆژنامەگەریی کوردی و سەرەتای مێژووی چاپکراوەکەی دەکات. لە میسر بە زمانی کوردی بە هەوڵی شازادە میقداد مەدحەت بەدرخان و بنەماڵەکەی چاپ کراوە و لەلایەن دەزگای دار ئەلهلال چاپ کراوە.

شێرکۆ حەبیب، بەرپرسی مەکتەبی پارتی دیموکراتی کوردستان لە قاهیرە، وێرای بەخێرهێنانی و سوپاسی ئامهدە بووان، لە وتەیەکدا گوتی : چاپەمەنی کوردی لە هەلومەرجێکی ناوازە و لە دەربەدەری سەریهەڵدا، نەک لەسەر زێدی باوباپیرانی کورد، وشەی قەدەغەکراوی کوردی فەزای ئازادیی لە دەرەوەی وڵاتەکەی رێگا پێدراو بوو، لەگەڵ ئەوەشدا خاوەن قەڵەمی کوردی ئازاد بەرپرسیارێتی وشەکە و یەکپارچەییەکەی لە ئەستۆ گرت، و بەرگرییان لە دۆزی گەلێک کرد کە لە دەرەوەی وڵاتەکەیان ولە مێژە خەباتیان کردووە بۆ مافی خۆیان بۆ نیشتمانێکی ئازاد و سەربەخۆ، بەبێ ملکەچبوون  بۆ هیچ دەسەڵاتێک، هەرچەندە بەهێز بێت”.

ئاماژەی بەوەشکرد، کورد بەگشتی و ڕۆژنامەنوسان بەتایبەتی، قەرزاری بنەماڵەی بەدیرخان و میسرن، هەروەها جێگای شانازییە بۆ کورد کە ئەم ڕۆژە پڕشنگدارە لە مێژووی نەتەوەی کورددا یاد بکاتەوە، کە توانیان وشەی کوردی و ناوی کوردستان بڵاوبکەنەوە، هەروەها جیهان هۆشیار بکاتەوە کە کورد نەتەوەیەکی بێبەشە لە سادەترین دەرکەوتەکانی ئازادی ڕادەربڕین، کە ئاخاوتن بە زمانی دایک قەدەغە بوو لێیان.

حەبیب ئاماژەی بەوەدا کە بەرژەوەندیی وڵاتانی داگیرکەر لەو سەردەمەدا کورد و دابەش بکەن لە سنووری وڵاتانی جیاجیادا دەرفەتێکی بەخۆیەوە بینی کە گەلانی ناوچەکە لە سود وەرگرتن لە هەوڵ و وزەی سەرکردەکانیان بێبەش بکەن، بەڵام ئەو سەرکردانە بەپێویستی دەزانن بە درێژایی مێژوو خۆیان بەخت کردوە و پەیوەندییەکی هاوسەنگیان لەگەڵ جیهانی دەوروبەردا دروستکردووە، بەتایبەتی لەگەڵ میسر لە دوای هاتنی ژەنەڕاڵ مەلا مستەفاوە بارزانی  نەمر بۆ قاهیرە لە ساڵی 1958، و سەرۆک مەسعوود بارزانی کە لەگەڵ سەرۆک موبارەک کۆبووەوە، هەروەها سەردانەکەی مەسرور بارزانی سەرۆکی حکومەتی هەرێمی کوردستان بۆ قاهیرە لە کۆتایی ساڵی ڕابردوو و پێشوازیکردنی لەلایەن سەرۆک سیسی، کە ئاسۆی نوێی بۆ پەیوەندی و هاریکاری نێوان هەولێر و قاهیرە کردەوە.

حەبیب جەختی لەوەش کردەوە کە لەم بۆنە پیرۆزەدا گرنگە ئەو دامەزراوانەی پێشێلی بنەماکانی ڕۆژنامەگەرییان کردووە پێداچوونەوە بە کارەکانیاندا بکەن، بۆ ئەوەی بتوانن لە داهاتوودا لە ئاستی پێویستدا خزمەتی میللەت بکەن. دەبێت گوتاری شەڕانگێزی بگۆڕن بە گوتارێکی ئەڵتەرناتیڤ کە هەڵگری ئاشتی و خۆشەویستی بێت. گرنگە ئەم دامەزراوانە خولی ڕاهێنان بۆ ڕۆژنامەنووسەکانیان بکەنەوە، هەروەها سەندیکای ڕۆژنامەنووسانی کوردستان لە ڕەوتی کاری ڕۆژنامەنووساندا زیاتر گرنگی بەو لایەنانە بدات.

لە کۆتای سڵاو و رێزی بۆ ڕۆژنامەنووسانی کورد لە جەژنەکەیان و بنەماڵەی میقداد میدحەت بەدرخان  نارد کە وایان لە کورد کرد هەموو ساڵێک ئەم جەژنە بگێڕن. هەروەها سڵاوی لە میسر و دامودەزگاکانی و خەڵکی وڵاتەکەی کرد بۆ ئامێزگرتن بە لەدایک بوونی ڕۆژنامەگەریی کوردی.

حەبیب لە کۆتایی قسەکانیدا پیرۆزبایی لە میسر و سەرکردایەتی و گەلەکەی کرد، بە بۆنەی ساڵیادی ڕزگارکردنی سینا لە دەستی ئیسرائیل، هیوای بەردەوامی پێشکەوتن و سەرفرازی بۆ میسر خواست.

و پێشانگای وێنەی رۆژنامەکانی کوردستانی لەخۆگرتبوو، کە لە ماوەی دەیان ساڵدا بڵاوکراونەتەوە، لەوانە “خەبات، ئەلتاخی، کوردستان ئەمڕۆ...” و چەندانی تر.

هەروەها بەم بۆنەوە رێز لە دەرهێنەری بەناوبانگ عەلی ئەحمەد بەدرخان گیرا لەلایەن بەرپرسی مەکتەبی قاهیرەی پارتی دیموکراتی و پێسکەشکردنی قەڵغانی رێزلێنان