پەیمانگەی هونەرەجوانەكانی هەولێر كۆنسێرتێكی موزیك و گۆرانی سازكرد
ئەمڕۆ سێشەممە ڕێكەوتی 10/2/2026 بەشی موزیكی پەیمانگەی هونەرەجوانەكانی هەولێر كۆنسێرتێكی موزیك و گۆرانی سازكرد,بە بەشداری مامۆستا و ژمارەیەك قوتابیانی ئەم پەیمانگەیە.
كۆنسێرتەكە بە سەرپەرشتی مامۆستا (دڵدار وریا ئەحمەد) و ژمارەیەك قوتابی لە هۆڵی بەشی شانۆ لە ناو پەیمانگەی هونەرەجوانەكانی هەولێر بەڕێوەچوو,هەروەها هەریەك لە بەڕێزان (ئومێد خۆشناو) پارێزگاری هەولێر و (سیروان عوسمان) بەڕێوەبەری گشتی ڕۆشنبیری و هونەری هەولێر و (هیوا سوعاد) سەرۆکی لقی هەولێری سەندیکای هونەرمەندانی کوردستان,وە بەڕێوەبەر و مامۆستایان و قوتابیانى پەیمانگە و ژمارەیەك لە هونەرمەند و هونەردۆستان ئامادەی كۆنسێرتەكە بوون,هەر لەم كۆنسێرتەدا لەسەر ستەیج لە نێو ژەنینی موزیكەوە قوتابییەكی ئەم پێمانگەیە بە نیگاركێشان بەشداربوو و وێنەیەكی لەسەر ستایڵی هونەری(ڤانكۆخ)نیگاركێشی جیهانی كێشا.
گوڵان-ئاسۆ كاكەیی
