ئامانجی بنەڕەتی و گشتی هەموو هەوڵ و كۆمپانیاكانی من یەك شتە: گەیاندنی ئەگەری سەركەوتنی داهاتووی شارستانیەتی مرۆڤایەتی بۆ بەرزترین ئاست و فراوانكردنی مەودای هۆشیاریی مرۆڤ بۆ دەرەوەی هەسارەی زەوی.

 ئێمە لەبەردەم گۆڕانكارییەكی ئابووریی بێ پێشینەداین لە ڕێگەی تێكەڵكردنی زیرەكیی دەستكرد و ڕۆبۆتە مرۆییەكان (Humanoid Robots)، دەتوانین بگەینە قۆناغی «فەراهەمیی بەردەوام» (Sustainable Abundance) و پێشبینی دەكەم لە داهاتوودا ژمارەی ڕۆبۆتەكان لە مرۆڤ زیاتر بێت، بە شێوەیەك زۆر دەبن كە مرۆڤ ناتوانێت بیر لە داواكارییەكی نوێ بكاتەوە كە ڕۆبۆتەكان بۆی جێبەجێ نەكەن.

 ڕۆبۆتی «تێسلا ئۆپتیمۆس» بە خێرایی گەشە دەكات. تا كۆتایی ئەمساڵ ئەركە ئاڵۆزەكانی ناو كارگەكان ئەنجام دەدات و پێشبینی دەكەم ساڵی داهاتوو بۆ بەكارهێنانی گشتی بخرێتە بازاڕەوە.

 بۆ بەگەڕخستنی ئەم تەكنەلۆژیا نوێیانە، پێویستمان بە كارەبایەكی بێشومارە. سەرچاوەی سەرەكیی وزە بۆ ئێمە دەبێت وزەی خۆر (Solar) بێت، تەنیا ڕووبەرێكی ١٠٠ میل بە ١٠٠ میل لە پانێڵی خۆر، بەسە بۆ دابینكردنی هەموو كارەبای ویلایەتە یەكگرتووەكانی ئەمریكا. ئێمە لە «تێسلا و سپەیس ئێكس» كار دەكەین بۆ بەرهەمهێنانی ساڵانەی ١٠٠ گێگاوات وزەی خۆر لەناو ئەمریكادا.

 گەورەترین دەستكەوتی ئەمساڵمان لە SpaceX بریتی دەبێت لە بەدەستهێنانی «دووبارە بەكارهێنانەوەی تەواوەتی» موشەكی . Starship ئەمە تێچووی چوونە بۆشایی ئاسمان ١٠٠ جار كەم دەكاتەوە و گەشتە ئاسمانییەكان هاوشێوەی فڕۆكەی لێ دێت. گەشتەكەمان بەرەو مەریخ تەنیا شەش مانگ دەخایەنێت و من هیوادارم بتوانم ئەو گەشتە بكەم. پەیامی من بۆ هەمووان گەشبینییە؛ باشترە گەشبین بیت و هەڵە بیت، نەك ڕەشبین بیت و ڕاست بیت، چونكە گەشبینی بزوێنەری داهێنان و كوالێتیی ژیانە.