جاران ڕەنگی سپی وەك ڕەنگە كاڵەكانی دیكە تەنیا بە وەرزەكانی بەهار و هاوینەوە بەسترابوونەوە، بەڵام چەند ساڵێكە ڕەنگی سپی توانیویەتی پێگەی خۆی تەنانەت لە ناو جلی زستانیشدا جێگیر بكات، ئەمەش لەبەر چەند هۆكارێك:

ڕەنگێكی بێلایەنە و ڕێكخستنی ئاسانە: سپی لە هەموو كاتێكدا سەلماندوویەتی كە دەتوانێت لەگەڵ ڕەنگە جیاوازەكان بگونجێت، لەگەڵ ڕەنگە كاڵەكان تێكەڵ دەبێت و جوانیی ڕەنگە تۆخەكانیش بە شێوەیەكی سەرنجڕاكێش دەردەخات.

بناغەی شێوازی سادەگەرایی: كاتێك بیر لە پەیڕەوكردنی ستایلێكی مۆدەی هێمن دەكەیتەوە، ناتوانیت دەستبەرداری سپی بیت، چونكە خاڵی دەسپێكە بۆ دروستكردنی هەر دەركەوتنێكی ناوازە.

ڕەنگێكە گوزارشت لە بەرائەت دەكات: خاوەنی خاسیەتێكی فریشتەییانەیە كە هیچ ڕەنگێكی تر كێبڕكێی لەسەر ناكات، تەنیا بەسە كە بە تەواوی بە سپی دەربكەویت بۆ ئەوەی ئەو شێوازە نەرم و شیكە بەدەستبهێنیت كە دەتەوێت.

بۆ بۆنە جیاوازەكان دەبێت: ئاساییە خانمەكان لە ئاهەنگەكاندا ڕەنگی زۆر گەش یان متالیكی (بریسكەدار) بپۆشن، بەڵام ئەمە ڕێگر نییە لەوەی ڕەنگی سپی ئامادەییەكی بەهێزی هەبێت.