داستان بەرزان نوێترین ڕۆمانی خۆی بڵاوكردەوە
یەكێتی نووسەرانی كورد لقی هەولێر,لەژێر ناونیشانی(قاوە سووتاوەكەی داستان)ئێوارە كۆڕێكی شیعریی بۆ نووسەر و شانۆكار(داستان بەرزان) سازكرد,وە هەردوو هونەرمەندی موسیزیان(سەیوان وەهمی)و(محەمەد ئەحمەد) بە ژەنینی موزیك و چڕینی گۆرانی بەشداربوون و كۆڕەكەیان ڕازاوەتر كرد.
كۆڕە شیعرییەكە لە هۆڵی شەهید مەهدی خۆشناو لە شاری هەولێر,بە ئامادەبوونی ژمارەیەك نووسەر و ئەدیب و ڕۆشنبیران بەڕێوەچوو,هاوكات لەم كۆڕەدا دوو كتێبی داستان بەرزان بە ئامادەبووانی كۆڕەكە ناسێندرا,كتێبی (سەرهەڵگرتن مردوویەك ئەم كتێبە دەنووسێت) كە لە یادداشتەڕۆمان پێكدێت,هەروەها كتێبی (قاوەی سووتاو),كە ئەم ڕۆمانە نوێترین كتێبی ئەم نووسەرەیەو لەلایەن دەزگای ڕۆسا بە چاپ گەیشتووە و (پۆڵا لاوە)دیزاینی بەرگی كتێبەكەی ئەنجامداوە.
گوڵان-ئاسۆ كاكەیی
