چات GPT بە چەندین رێگا هانی كارە پزیشكییەكان دەدات و هەنگاوەكانی یەك لەدوای یەك ئاسانتر دەكات تا دەگاتە چارەسەرێكی دروست و تایبەت بە هەر نەخۆشێك، كەواتە چات GPT ئانێرێكی یارمەتیدەرە لە پزیشكیدا، بەڵام جێگرەوە نییە بۆ زانیاریی مرۆڤ. چات GPT وەكو سەرچاوەیەكی نوێترین زانیاری سوودی هەیە بۆ بڵاوكردنەوەی هوشیاریی پزیشكی و لێكۆڵینەوە پزیشكییەكان بۆ پسپۆرانی تەندروستی و قوتابیانی زانكۆ، لەگەڵ پوختەكردنەوەی مێژووی نەخۆش و تۆمارە پزیشكییەكان و ئاسانكردنی كارە كارگێرییەكان، یارمەتیدانی نەخۆش بۆ چاودێریكردنی تەندروستیی كەسی و تێگەیشتن لە زانیارییە پزیشكییەكان، بەكاهێنانی ئەلگۆریتمەكان بۆ شیكردنەوەی داتا پزیشكییەكان وەكو نیشانەكان و پشكنینە وێنەییەكان بەمەبەستی گەیشتن بە دەستنیشانكردنی نەخۆشی یان حاڵەتە تەندروستییەكان، یارمەتیدانی بڕیارە كلینیكییەكان و پێشنیازكردنی باشترین بژاردەكانی چارەسەركردن، بەكەسیكردنی Personalizing چارەسەرەكان بە گوێرەی حاڵەت و سیفاتەكانی تایبەت بە هەر نەخۆشێك، هەروەها چاودێریكردنی نەخۆشی لە دوورەوە لەوكاتەی كە بە چات GPT و تەكنەلۆژییەكانی زیرەكیی دەستكرد دەتوانرێت كە چاودێری بەردەوامی نەخۆش بكرێت لە دەرەوەی دەزگا تەندروستییەكاندا.