لە هەولێر ئۆركێسترای كوردستان تیڤی نمایشی موزیكی كوردی و جیهانی سازكرد
ئێوارەی ئەمڕۆ چوارشەممە ڕێكەوتی 19/11/2025 لە هۆڵی پێشەوا لە شاری هەولێر,ئۆركێسترای كوردستان تیڤی بە ڕابەرایەتی(ماموكا ئالافیشڤیلی) كۆنسێرتێكی موزیكی سازكرد.
كۆنسێرتەكە بە ئامادەبوونی (ئومێد خۆشناو)پارێزگاری هەولێر و ژمارەیەكی بەرچاو لە كەسایەتی دیار و هونەردۆستان ساز كرا,لە كۆنسێرتەكە لە نمایشێكی موزیكی جیهانی و كوردی پێكهاتبوو و بە بەشداری پۆلێك هونەرمەندی بە ئەزموون و موسیزیانی لاوی شارەكانی كوردستان و جۆرجیا بەڕێوەچوو,كە تێیدا ژمارەیەك موزیكی كلاسیكی جیهانی و مێلۆدیی كوردی و جاز پێشكەش كرا.
هەر لەم كۆنسێرتەدا پارێزگاری هەولێر قەڵغانی ڕێزلێنانی پێشكەش بە سەرپەرشتیاری تۆڕی میدیایی كوردستان كرد,لە پای هەوڵ و گرنگیدانیان بە موزیك و هونەری كوردی .
گوڵان-ئاسۆ كاكەیی
