بە ناوی خوای بەخشندەو میهرەبان

من وەك مامۆستایەكی ئایینی، پێم وایە كە هەڵبژاردن ئەركێكی نیشتمانییە. پێغەمبەری خۆشەویست (د.خ) حەزی لە شارەكەی خۆی دەكرد، كاتێك لە مەككە دەركرا، فەرمووی: «وەڵڵاهی ئەی مەككە، تۆ خۆشەویستترین جێگای لەلام، ئەگەر گەلەكەم دەریان نەكردبام، هەرگیز لێت نەدەچوومە دەرەوە».

بۆیە ئێمەش دەبێت خزمەتی نیشتمانەكەمان بكەین و بە دەنگدان بەرگریی لێ بكەین. دەبێت مرۆڤە بەهێزەكان هەڵبژێرین بۆ ئەوەی بتوانن خزمەتی گەل و نیشتمانەكەمان بكەن و نابێت مرۆڤە لاوازەكان هەڵبژێرین. هەروەك چۆن پێغەمبەری خۆشەویست (د.خ) بە ئەبو زەڕی فەرموو، (كاتێك پرسیاری بەرپرسیارێتی لێ كرد): «تۆ مرۆڤێكی لاوازی، بەرپرسیارێتیش ئەمانەتە، ڕۆژی قیامەتیش شەرمەزاری و پەشیمانییە.» دەنگدان سەركەوتنە، ئارامی و پێكەوە ژیانە، پاراستنی خوێنی شەهیدانە. هەر مامۆستایانی ئایینین كە پێشمەرگەی شۆڕشی ئەیلوول و گوڵان و ڕاپەڕین بوون. دەنگدان لەسەر سندوقی هەڵبژاردن، بەرگریكردنە لە خاك و نیشتمان و سەربەخۆیی دەوڵەتەكەت. خوای گەورە پشتیوان بێت.