بەڵێ، سرووشتی ئەم پەیوەندییە دەگەڕێتەوە بۆ كاریگەریی گرووپی خوێن لەسەر فاكتەرەكانی مەیینی خوێن بەتایبەتی فاكتەری VWF. لە ئەنجامی لێكۆڵینەوەی جۆراوجۆردا هاتووە كە پەیوەندیی گرووپی خوێن بە نەخۆشییەكان بەم شێوەیەیە: ئەگەری تووشبوون بە نەخۆشیی خوێنبەرەكانی دڵ لە كەسانی خاوەن گرووپی جۆری O كەمترە بە بەراورد لەگەڵ گرووپەكانی دیكەدا، خاوەن گرووپەكانی A، B، AB زیاتر ئەگەری تووشبوونیان بە شێرپەنجەی گەدە لێ دەكرێت لەگەڵ گرفتی تەندروستیی دیكەی وەكو: گرفتەكانی یاد و بیرهاتنەوە، زیادبوونی ئەگەری تووشبوون بە سترێس یان بەرزبوونەوەی ئاستی هۆرمۆنی كۆرتیزۆل، شێرپەنجەی پەنكریاس، ئەگەری نەخۆشیی مەلاریا و مەیینی خوێن لە خوێنهێنەرەكاندا VTE، هەروەها بەرزبوونەوەی ڕیسكی جەڵتەی مێشك. گرووپی جۆری O پەیوەندی هەیە بە ئەگەری هەوكردن بە بەكتریای گەدە H.pylori لەڕیخۆڵەدا، هەروەها زیادبوونی ئەگەری كولبوونی هەرسی Pepic ulcer.