ڕێورەسمی خوێندنەوەو بڵاوكردنەوەی كتێبی(كۆترەكانی سێبەری تاووس) بەڕێوەچوو
لە شار هەولێر (ماڵی وەفایی) ئێوارە كۆڕێكی بۆ نووسەر(كاروان باعەدری)سازكرد و ڕێورەسمی بڵاوكردنەوەو خوێندنەوە بۆ كتێبی(كۆترەكانی سێبەری تاووس)ی ئەم نووسەرە بەڕێوەچوو.
لە كۆڕەكەدا پۆلێك لە نووسەران و ئەدیبان و كەسانی ئەكادیمی ئامادەبوون و لە سەرەتای كۆڕەكەدا نووسەر تیشكی خستە سەر ناوەڕۆكی كتێبەكەو باسی لە ڕووداوەكانی نێو كتێبەكەی كرد لە پرسی ژنانی ئێزدی و جینۆسایدكردنی كوردانی ئێزدی.
هەروەها بەشێك لە ئامادەبووانی ئەم كۆڕە دەربارەی گرنگی و ناوەڕۆكی كتێبەكە كەوتنە گفتوگۆ و سەرنج و تێبینی خۆیان خستەڕوو,وە لە كۆتایی كۆڕەكەدا نووسەر بە واژووی خۆی كتێبەكەی پێشكەش بە ئامادەبووانی كۆڕەكە كرد.
گوڵان-ئاسۆ كاكەیی
