ئەحمەد محەمەد زنجیرە كۆڕێكی شیعری لە ئەڵمانیا و ئەوروپا سازدەكات
شاعیری دیاری كورد (ئەحمەد محەمەد)زنجیرە كۆڕێكی شیعری لە چەند شارێكی ئەڵمانیا و دانیمارك و ئەوروپا سازدەكات,كە ئەم چالاكییە هونەرییە لەلایەن ناوەندی كەلتووری كوردو ئەڵمان بەڕێوەدەچێت.
لە كۆڕە شیعرییەكاندا شاعیری لیریك(ئەحمەد محەمەد)شیعرەكانی خۆی دەخوێنێتەوەو و پێشكەش بە كوردانی تاراوگەی دەكات,هەروەها بڕیار وایە لەم كۆڕانەدا شاعیر بە واژووی خۆی دیوانی (تەمەن) بڵاوبكاتەوە.
بڕیار وایە یەكەم ڕۆژی ئەم زنجیرە كۆڕە شیعرییە لە ڕێكەوتی 30/8/2025 كاتژمێر 6ی ئێوارە لە شاری دارمشتاد لە ئەڵمانیا بەڕێوەبچێت,وە ڕۆژی دواتر كاتژمێر 3ی پاشنیوەڕۆ لە شاری فرانكفۆرت دەبێت.
هەروەها خشەی ڕۆژەكانی دیكەی ئەم زنجیرە كۆڕە شیعرییە بەم شێوەیە دیاریكراوە.
-ڕۆژی 6/9/2025 كاتژمێر 5ی ئێوارە لە شاری بەرلین لە ئەڵمانیا.
-ڕۆژی14/9/2025 كاتژمێر 2ی دوای نیوەڕۆ لە شاری كۆپنهاگن لە وڵاتی دانمارك.
-ڕۆژی 19/9/2025 كاتژمێر 7ی ئێوارە لە شاری هانۆڤەر لە وڵاتی ئەڵمانیا.
-ڕۆژی20/9/2025 كاتژمێر 6ی ئێوارە لە شاری نۆرنێرگ لە وڵاتی ئەڵمانیا.
گوڵان-ئاسۆ كاكەیی
