پێم خۆشە روژێ سێ بۆ چوار بابەت لەسەر ئەم عێراقە خۆشە بنوسم، چونکە بەڕاستی زۆرم دیت و بیست، كەچی هیچ شتێك شوێنێك وەك ئەم عێراقە، خەلك، سیاسی، كاربەدەست، كارو پرۆژەكانی جێگای سەرسورمان نین. هەموو شتێكیان سەیر و جیاوازە، بەڵام بە هەڵەدا مەچن، جیاوازە لە خڕاپی، بێ كەلكی و بێ سەروبەری. با زۆر دوور نەچین، ئەوەی گرنگە بابەت و مەبەستی منە، زۆر ئاساییە لە ژیاندا لاسایی كەرەوەبی، بۆ نموونە لاسایی یاریزانێك دەكەیەوە، گۆرانی بێژێك دەنگی خۆشە و پێی سەرسامی، من خۆم زۆر سەرسامی كاوێز ئاغا، شاكرو و مەزهەری خالقیم ،شتێكی چێژ بەخشە، ئاسودەیی و چێژی لێ دەبینم، بەڵام لێڕە بابەتەكە ئەوەنیە، بەڵكو بابەتەكە ئاینی و تایفییە، بۆ نمونە، دەزانین لە دوای ٢٠٠٣ وە، شیعە مەزهەبەكان لە عێراق بە ئازادی دەركەوتن و بە ئازادی تقوساتی ئایینی خۆیان ئەنجامدا و كە وا شوێن كەوتەی ولایەتی فەقیهن، بە قسەی خۆیان چاوەرێی مەهدی ئەلمونتەزەر دەكەن تا دەربكەوێ، ئەمەش تا راددەیەك لە ئاین و مەزهەبەكاندا ئاساییە، بەڵام ئەوەی نائاسایی، سەیر، عەیبەیە و شتێكی زۆر قێزەون و ناشرینە، ئەوەیە كەوا لە شیعەكانی عێڕاقدا بەدی دەكرێت و دەبینرێت، ئەویش ئەوەیە بۆ نموونە تۆ زیاتر لە حەسەن زیرەك حسن زیرەكتربی،
ئەوەش نەببوە و ناکرێ، مەبەستی من چیە؟ تو شیعە مەزهەبییت، بە چاوان، بەڵام ناكرێت تۆ زیاتر لە شیعەیەكی ئێران ئێرانی بی و ئێرانت پێ لەپێش تربێ لە خاك، وڵات، زمان، دەستور، رێسا و یاسا، كەلتورت.
من دەپرسم ئەگەر ئاڵای عێراق لەناو جەرگەی ئێران بەرزبكەیتەوە چیت بەسەردێنن چیت پێ دەلێن؟ باشبو بە چاوی خۆمان بینی لەو جەنگە ١٢ رۆژەی نێوان ئیسرائیل و ئێراندا كاتێك ئێران وای پیشاندا خەڵكی خوی چەواشە كرد كە سەركەوتین، یەكێك لە ئاهەنگێرەكان لەناو ئێران ئاڵای عێراقی بەرزكردەوە هەر زوو پێیان هێنا خوارێ و تێر شاپیان كرد، بە كورتی و پوختی بەم عێراقیە دیڤەلانكیەیان گوت، كاكە ئێمە بەس بۆ پول ئێوەمان دەوێ، ئێوە لای ئێمە هیچ نین. لەیەكێك لە بەرنامەكانی كەنالێكی ئێرانی چاو پێكەوتن لەگەڵ چەندین كچی ئێرانی-دا کرا و پرسیاریان لێ دەکرد، كەوا ئایا زەواج لەگەڵ پیاوی عێراقی-دا دەكەیت؟ بێگومان وەلامەكەیان بۆ خەڵكی عێراق جەرگبر بوو، كە بە نزیكەیی هەموویان یەك بۆچوون و یەك تێروانینیان بەرامبەر بە عێراقیە دیڤەلانكیەكانیان هەبوو ئەویش بە چەندین ووشی نەشیاو و ناشرین و بێ رێز وەڵامیان دەداوە، ئەویش ئەوەبو ( پیاوی عێراق نەزانە، چەپەلە، بۆگەنە، خاوەن بریار نین، گێلن، پۆخلەن)
ئەمە لەكاتێكدایە كەوا كاتێك زیارەتكارانی ئێران بو چلەی ئیمام مهدی و ئیمام كازم و یادی عاشورا دێنە عێراق جگە لەوەی هەر یەكێكیان بری ٢٠٠ هزار دینار وەردەگرن لە عێراق، هەروەها بێجگە لەمە دەست و پێیان دەشۆن و پێیان ماچ دەكەن وەك تبڕیك، جا ئەگەر بمانەوێت بزانین پارەکە چەندە، ٢٠٠ هزار دیناری عێراقی جاران ٣ ملیۆن زیارەتکار یەکسانە بە میزانیەی وڵاتێك.
ئەمە هەمووی لەكاتێكدایە سێ مانگە عێراق مووچەی فەرمانبەری داماوی هەرێمی کوردستانی نەناردوە، بە هەزاران بیانو، زۆرجا ئەگەر هیچ بیانۆێکیان نەبێت، دەڵێن ناوی عمر بگۆرن بكەنە عەرەبی یان ئێڕانی، بەڵام حسن، حسین، كازم و علی بێ كێشەن.
عێراق هیچ سیادیێكی بۆخۆی و بو گەلەكەی نەهێشتەوە، هەمووی خستە ژێر خزمەتی ئەسیادەكانی لە ئێران.
پرسیارێك لە عێراقیەكان دەكەین و دەلێین، ئەرێ هاوڵاتی عێراقی تۆ ئێرانیەكانت وەك خۆت پێ سادە و گێل دەبینی؟ تۆ بیر لەوە ناكەیتەوە کە ئێڕانیێكی تێگەیشتوو ئەم پرسیارە لە خۆی بکات، عێراقی سادە و بێ سەروەری بۆخۆیان نەبونەتە ماڵ، وا خیانەت لە خۆل و خاک و ئاسمانی عێراق دەکەن لەبەر خاتری ئێران، ئایا ئەمە چۆن دەبنە ماڵ بۆ من (مەبەستم ئێرانە).
خەریكە لە عێراق هەڵگرتن و هەڵكردنی ئاڵای عێراق بووەتە شەرمەیەك، تۆ ئەگەر بتەوێ زۆر بەهێز خۆت پیشان بدەیت، خۆت بە دلسۆزی عێراق و مەزهەبی شیعە پیشان بدەیت، ئەگەر زۆر خۆت دلسۆزی ویلایەت و مەزهەب پیشان بدەیت، یان پلەیەك وەربگریت، ببیە سەركردەیەكی ناوبانگ و درندە، ئەوا دوو شت زۆر گرنگن بیکەیت، یەكەم دژی كورد بی، دووەم ئاڵای ئێران هەڵگری و ماچ بكەیت و بە زمانی فارسی قسە بكەیت.
عێراقی داماو (لەگەڵ رێزم بۆ باشەكان)
تۆ نابینیت ئێران بەهەشتێكە بۆخۆی، كارەبا، ئاو، شەقام، خزمەتگوزاری ئاوەدانی و ئارامی، كەچی تۆی عەبید بێ ئاو، كارەبا، ئاوەدانی و خزمەتگوزاری، وا بەدوای ئێران كەوتیت و بەرگری لەئێران دەكەیت، وەك ئەوەی تۆ ئێرانی بیت و ئێڕانیەكە بووەتە بێگانە.
پسیارێك لە ژیرمەندەكانی عێراق بكەین، ئایا ئێران چ سودێكی بۆ عێراق هەبوە؟
بو لۆژیكی وەڵام دەدەمەوە، نەك بە مەیل و مەیل كاری، ئێران هەرچی بەرهەمی خڕاپ و بەسەرچوو عادیە بەم عێراق عەزیمە ساخ دەکاتەوە، عێراقی پڕ ماددەی هوشبەركرد، ناهێلێ هیچ شتێك لە هیچ وڵاتێكی تر بكردرێ بێجگە لەئێران خۆی.
لە رووی سەربازییەوە، گریمان ئەگەر هێزێكی تری بێگانە بێتە نێو خاكی عێراق یان گروپێكی تری میلیشیاوی وەك حەشد كە راستەوخۆ سەر بە ئێرانە، بێتە نێو خاكی عێراق و بیەوێت عێراق بپارێزێ، ئایا قبول دەكرێت، ئاساییە، یاساییە؟
نەخێر چونكە بابەتەكە هێز و پاراستنی عێراق نیە، لەبەر خاتری چاوی رەشی عێراق دروست نەکراون، مەبەستم حەشدی شەعبیە، بەڵكو بەكرێ گیراوە و كار بۆ ئێران دەكا بەرژەوەندییەكانی ئێران دەپارێزێت، بەشێک لەم حەشدە، کە راستەوخل فەرمان لە ئێران وەردەگرن، بێ ئەوەی بگەرێنەوە بۆ سەرکردایەتی عێراق یانیش ئاگەداری بکەنەوە،
لە جەنگی ئێران-ئیسرائیل، ئێران دەڵێت لەم جەنگەدا زیانی زۆرمان پێگەیشتووە، عێراقی خەلەفا، نەزان و گێل دەلێت ئێران جەنگەکەی بردۆتەوە. ئێران دەلێت عێراقی چەپەڵ و پوخلەواتن، عێراقی گەمژە دێت پێی زیارەتكارانی ئێرانی ماچ دەكات، ئێرانی خۆی دێتە عێراق ئاڵای خۆی پێ نیە، عێراقی دیڤەلانك دەچێت ئاڵای ئێرانی بۆ دێنێ و ماچ دەكا، عێراقی گەمژە ئاڵای خۆی پێ نیە و ئاڵای ئێرانی هەڵگرتوە.
لەگەل ئەوەشدا، ئاڵای هەر وڵاتێك لە عێراق هەڵبکرێ یەکسەر دەڵێن ئەمە كوێلەی ئەو وڵاتەیە، بۆ نموونە سعودیە، سوریا، ئەمریکا و توركیا، بەڵام ئاڵای ئێران لەنێو هۆلی پەرلەمان بەرزدەكرێتەوە و بڵاو دەكەنەوە و شانازیبە، ئاڵای خۆیان و عێڕاقی خۆیان هەڵناکەن، شانازی بە ئێران و ئاڵای ئێڕان دەكەن، لە رۆژی سەركەوتنی سوپای عێراق بەسەر ئێران-دا، عێراقی مێشو مەگەزی ئێڕانی ئەو روژە ناودەنێن (أيام الذل)، وەرە لە رۆژی سەركەوتنی سوپای وڵاتەكەت بەسەر ئێراندا تۆ پشتگیری ئێران بكەیت.